導演拒講普通話母語真心啲 《十年》慶功：多謝一齊行過呢一步
【第35屆香港電影金像獎】被喻為「香港預言書」的獨立電影《十年》，前晚獲香港電影金像獎最佳電影獎，五位年輕導演在後台接受各地傳媒訪問時，有人要求他們用普通話談感受，執導單元《冬蟬》的黃飛鵬堅持用廣東話回答，因為「喺開心時講番自己母語，咁講嘢真心啲」，他又謂：「感謝每一個朋友同《十年》行過呢一步。」眾人之後拉隊到尖沙嘴慶功。
第35屆香港電影金像獎頒獎禮賽果前晚塵埃落定，負責頒最佳電影獎的金像獎主席爾冬陞宣佈《十年》獲獎，台下傳出歡呼聲，更有不少在場觀眾起立拍掌，一眾導演及監製流露一副難以置信的神情。
《十年》由五個短篇故事《浮瓜》、《冬蟬》、《方言》、《自焚者》和《本地蛋》組成，去年12月在港上映，因為內容涉及港獨、自焚、國安法等敏感政治議題，被內地官媒《環球時報》點名批評電影鼓吹反抗、以極悲觀的心態講述香港未來、宣揚絕望，被內地封殺，但電影近日再在港九新界各處舉行社區放映活動，今次獲獎，連外國傳媒亦都有大事報道，《十年》絕對是贏得漂亮的一仗。
■《十年》爆冷奪最佳電影，監製和眾導演前晚出席慶功時仍心情激動。攝影：陳慧安
■被喻為「香港預言書」的《十年》遭內地封殺，今次獲獎絕對是贏得漂亮的一仗。劇照
「喺香港想用廣東話」《十年》監製蔡廉明及五位年輕導演前晚得獎後，在後台接受來自世界各地的傳媒訪問，現場有傳媒要求他們用普通話談感受，《冬蟬》單元導演黃飛鵬說：「用普通話回答可以，但係我想用番廣東話，因為我𠵱家喺香港呢個地方，所以想用廣東話。」現場隨即傳來一陣拍掌聲，之後他解釋：「千祈唔好誤會，我唔係話普通話有乜嘢唔流暢，或者冇禮貌，多謝每一個朋友同《十年》行過呢一步。」其後他再在facebook致謝說：「唔係想唔尊重你，而係想喺開心時講番自己母語，咁講嘢真心啲。」
前晚頒獎禮後，蔡廉明及伍嘉良拉大隊去尖沙嘴慶功，他們均謂心情仍很激動兼意外，對於有不少內地媒體刊登得獎名單，絕口不提《十年》獲最佳電影，他們聽到後忍不住笑，蔡廉明說：「內地觀眾會問點解冇，任何一個頒獎禮冇最佳影片，其實大家都知道乜嘢事。」最初《十年》有份被提名時，不少人直言不看好，問到今次爆大冷贏獎有否吐氣揚眉感覺？蔡廉明說：「我唔覺得係吐氣揚眉，應該係更加謙卑。」伍嘉良補充說：「由始至終《十年》嘅出現係好簡單，只係幾個導演想透過創作，去問一啲關於香港將來嘅問題，喺個過程觀眾嘅共鳴感、反應，又或者對呢套戲嘅支持，呢啲反而係一種滿足。」導演黃飛鵬說：「我哋同好多創作者一樣，都係用自己同想拍電影方法去做，其實電影仲有好多選擇，而唔係走入戲院嗰啲先叫電影。」
■有份參演的梁健平（右）不敢相信《十年》得獎。
■周家怡好高興有份演出《十年》。資料圖片
梁健平：覺得好意外有份參演單元《方言》的梁健平，對於《十年》得獎，昨日在電話中說：「我都唔係好相信呢件事，成個團隊都覺得好意外，正如監製同導演咁講，我哋應該為咗香港電影繼續努力，我自己冇政治方向，只要係好嘅製作，就一定會有人睇。」周家怡亦說：「我又唔覺得爆冷，呢套戲一直都好有迴響同好多人睇，作為有份參與嘅一分子，當然覺得好開心同感動。」
採訪：盧妹、張俊銘、曹家誠
攝影：陳慧安、沈健程、仇志德
|
鍾意就快D Share啦！
|
|
|
