身兼全國政協常委的星島新聞集團主席何柱國，日前在電視節目狠批佔中令香港營商環境轉差，更點名批評學民思潮前召集人黃之鋒以為大企業沒裁員是「傻仔」及「白痴」，又指街道上都是「吉舖」，「咪就係炒咗人囉！」黃之鋒反指何的言論幼稚，「純情緒發泄嘅小學雞指罵」，何柱國承認是發洩情緒，但不認同字眼幼稚，更向黃之鋒「下戰書」，叫對方一同到銅鑼灣和尖沙嘴廣東道點算「吉舖」數目，「如果佢係啱嘅，我同佢跪低叩3個響頭，我承認我係『白痴』。」黃之鋒接受無綫訪問時，直言何柱國身為成年人、成熟、在社會有名望的傳媒大亨，但以純情緒發洩字眼，攻擊與自己政見不同的人，認為對方頗幼稚，又重申香港現時的經濟問題，正因過份依賴自由行，同時亦拉高小商戶舖租，令他們承擔不了被逼結業。黃之鋒在facebook亦指何的言論「都幾離譜」，「但都真係唔夠呢位所謂『社會賢達』旗下傳媒喺李波事件為政權塗脂抹粉噁心」。無綫其後找到何柱國受訪回應，何直認罵黃「傻仔」及「白痴」是發洩情緒，但稱字眼並非幼稚，聲稱要挑戰對方，叫黃之鋒一同到銅鑼灣和尖沙嘴廣東道點算「吉舖」數目，「如果佢係啱嘅，我同佢跪低叩3個響頭，我承認我係『白痴』；如果佢係錯嘅呢，就叫佢收吓把口，同我鞠3個躬，自認係『傻仔』、『白痴』。」【早前報道】
何柱國鬧黃之鋒白痴賴佔中致今日經濟差有空舖
http://bit.ly/1ZZelKM黃之鋒斥何柱國：純情緒發泄嘅小學雞指罵
http://bit.ly/1MMO68g
|
鍾意就快D Share啦！
|
|
|
