| 好多電影人都唔撐呀！ | next 1/1 pre |
 | |
| 方平話有睇過《十年》，覺得似電影版《鏗鏘集》。 | next 1/1 pre |
 | |
| 劉偉強（中）話「最佳電影」係講專業同全面。 | next 1/1 pre |
 | |
| 黃百鳴（右）講到明覺得唔公平。 | next 1/1 pre |
 | |
| 林小明話香港電影唔知應該點繼續落去。 | next 1/1 pre |
本屆電影金像奬曲終人散，「最佳電影」由講述中港矛盾為骨幹的《十年》奪得，賽果惹來激烈爭議。金像獎主席爾冬陞（小寶）事後出席大會慶功宴，直言覺得投票者情緒主導一切，更表示《十》片製作可能未達標，今次得獎乃因評審欣賞製作人的大膽，故予以鼓勵，更說：「有啲人未睇過部戲都會去投票，呢啲唔係情緒係咩呢？我個人反對宗教或政治介入電影……倘若金像奬太政治化嘅話，我會辭職。」而清晨時分，小寶在微博與數百網民揭開「罵戰」，他直指有人腦殘，企圖將爾冬陞「洗白」，其微博一度遭全部刪除，未幾又恢復正常，事件耐人尋味。
金像奬唔見幾百萬贊助費
據悉《十》片得獎後，不少本港電影從業者恐怕日後中港電影投資合作會受影響，小寶身邊友人擔心其即將上畫的新片《三少爺的劍》將「首當其衝」。至於《十》片宣布入圍角逐「最佳電影」後，已令金像奬籌委頓失數百萬贊助費，如今成功「挑機」，知情人士擔心會引發「金像奬災難」﹕「唔知金像奬將來條路會點走喇？」昨晚完騷後，一眾在影圈有影響力的人士如電影公司老闆于冬等相約短敍，亦對賽果抱有疑問。
黃百鳴當場黑面
至於昨晚《十》片台前幕後上台領奬時，有指台下一眾電影人包括黃百鳴、林小明及方平等統統黑面。黃百鳴直說：「我係覺得唔公平，如果唔係畀面金像奬，我即刻走唔通仲留低拍掌咩？一套製作費只得50萬嘅戲，連佢本身嘅製作都覺得未達標，咁講係咪日後唔使認真製作，求其攞個有爭議嘅議題去開戲就得呢？電影唔係咁拍嘅。」方平則說：「我心目中嘅『最佳電影』，唔係《五個小孩的校長》就應該係《智取威虎山》，要講整體性同專業嘛！選民受情緒影響、非理性去投票，絕對有商榷餘地！我有睇過《十》片，覺得佢係電影版《鏗鏘集》囉！」
身為《五個小孩的校長》投資人的林小明對賽果感到失望：「太政治化喇！一小部分投票，唔代表大部分人嘅認同，咁樣好危險，香港電影唔知應該點繼續落去。」而身為香港導演會會長的劉偉強說：「《踏血尋梅》攞咗咁多個大奬，而『最佳電影』係講專業、全面嘅，照此推論係咪應該頒畀《踏》片呢？依家係有份投票嘅人情緒主導一切，我個人覺得電影唔應該涉及政治，所以除咗金像奬外，其他屬會都應該坐低開會傾吓。」吳思遠及洪祖星同樣也質疑《十》片得獎的應受性，前者狠批它等於「習作」，後者更大罵「黐線」，指賽果趕金像奬入絕路！
|
鍾意就快D Share啦！
|
|
|
