掃呢頁CODE去手機

2016年4月5日 星期二

【不斷更新】雙宋合體撐ViuTV 喬妹晒腿現身 __,ViuTV,Viu,宋慧喬,喬妹,宋仲基,雙宋,

由宋仲基同宋慧喬主演嘅KBS《太陽的後裔》明日起將會喺ViuTV隆重首播,雙宋噚日已率先襲港為今日ViuTV開台劇《太陽》做定準備。噚日雙宋抵港時獲超過400粉絲接機,場面墟冚,不會今日喺中環四季酒店舉行嘅記者會為怕混亂關係,所以就唔係公開活動,只邀請傳媒及8位幸運粉絲到場參與,記者於今日中午12時舉行,過百傳媒早於11點就到場,但要到11點25分先安排傳媒入場,而8位幸運粉絲就獲安排喺11點10 ...


由宋仲基同宋慧喬主演嘅KBS《太陽的後裔》明日起將會喺ViuTV隆重首播,雙宋噚日已率先襲港為今日ViuTV開台劇《太陽》做定準備。噚日雙宋抵港時獲超過400粉絲接機,場面墟冚,不會今日喺中環四季酒店舉行嘅記者會為怕混亂關係,所以就唔係公開活動,只邀請傳媒及8位幸運粉絲到場參與,記者於今日中午12時舉行,過百傳媒早於11點就到場,但要到11點25分先安排傳媒入場,而8位幸運粉絲就獲安排喺11點10分先入場內等候。可能唔少粉絲都知道今次唔安排粉絲入場,加上今日唔係公眾假期,所以現場唔覺有好多粉絲等候,但仍有唔少粉絲喺出面等,問傳媒可唔可以帶埋佢哋入場。活動準時喺12點舉行,由黃心美主持活動先,現場先播咗《太陽》嘅片段,大約到12點05分,雙宋喺千呼萬喚下終於現身記者會,女神同男神出場全場都即時起哄,閃光燈未停過。喬妹先單拖出場,着上V領灰短裙,佢再次晒腿現身。之後到宋仲基出場,佢哋兩人合照,先掂一掂喬妹後腰再掂一掂膊頭,之後兩人合照,喬妹先返入後台,就留返宋仲基喺現場影單人相。兩人之後再合體,喬妹用廣東話講:「大家好,我係宋慧喬」,喬妹話今日好開心來香港,而且同埋宋仲基。之後到宋仲基出場,佢以國語講:「大家好,我是宋仲基,見到大家好開心。」宋仲基話借呢個機會同喬妹參加呢個活動,真是好開心。希臘拍劇時有什麼難忘經歷,宋仲基話:「這部劇是希臘拍,同跟喬妹想法一樣,覺得地方好浪漫及好靚,通過電視劇可以直接可以感受到拍攝時候顏色美麗嘅感覺。」宋仲基退伍後第一部劇,軍隊生活令到你更加投入角色?宋仲基就話:「有好大幫助,做返軍人角色,當兵時感覺仲喺度,做返軍人動作覺得冇問題。」喬妹太陽好晒,皮膚咁好,有什麼心得?喬妹就話:「拍劇時化妝師化得好,平時亦有去做facial。」再問到《太陽》紅遍亞洲嘅理由,宋仲基:「呢套劇除咗有動作鏡頭,仲有浪漫嘅情節。」緊表10位幸運粉絲就上台可以同雙宋握手,佢哋仲趁機同雙宋握手,到大合照時宋仲基又用左手搭喬妹嘅膊頭。到粉絲下台時,粉絲即把握機會同宋仲同握手及抱抱。之後宋仲基就同高層合照,佢都好識冧女,仲搭女高層嘅膊頭,好識冧女,佢哋於12點18分先離開,並準備接受傳媒訪問,期間台下有記者拿出手機想影雙宋合照時,都被保安阻止,可見保安十分嚴密。

搭膊頭
晒腿
密密斟 11點25分開始安排傳媒入場
有零碎粉絲等候 ViuTV送畀有幸入場嘅粉絲嘅禮物

鍾意就快D Share啦!