掃呢頁CODE去手機

2016年5月29日 星期日

歐聯:【歐聯決戰】皇馬射贏12碼 第11次稱霸歐洲 __,

恭喜皇馬!(GettyImages)歐聯決賽皇馬大戰馬體會,90分鐘雙方鬥得難分難解,打成1:1平手。上半場皇馬憑沙治奧拉莫斯一個爭議性入球領先,換邊後馬體會大反擊,恩歷克卡拉斯高門前撞入追成平手,兩軍120分鐘不分勝負,最終互射12碼皇馬贏5:3,稱霸歐洲!今仗雙方都精銑盡出,其中皇馬比起對手更加醒神,一開波冇耐,加里夫巴利右路罰球斬中,卡斯米路近門一撞,但被馬體會門將奧比歷及時救出。不過馬體會 ...


恭喜皇馬!(Getty Images)

歐聯決賽皇馬大戰馬體會,90分鐘雙方鬥得難分難解,打成1:1平手。上半場皇馬憑沙治奧拉莫斯一個爭議性入球領先,換邊後馬體會大反擊,恩歷克卡拉斯高門前撞入追成平手,兩軍120分鐘不分勝負,最終互射12碼皇馬贏5:3,稱霸歐洲!

今仗雙方都精銑盡出,其中皇馬比起對手更加醒神,一開波冇耐,加里夫巴利右路罰球斬中,卡斯米路近門一撞,但被馬體會門將奧比歷及時救出。不過馬體會過到初一過唔到十五,15分鐘卻奧斯左路罰球斬入禁區,加里夫巴利向後一頂,沙治奧拉莫斯近門撞入,繼2年前歐聯決賽轟破馬體會大門後又試入波。不過從慢鏡頭所見,巴利助攻之時,拉莫斯稍有凸出,不過球證卡頓保毫表示,皇馬憑呢個爭議性入波,半場領先馬體會1:0。

換邊後馬體會加強攻力,47分鐘皇馬中堅比比,於禁區內侵犯費蘭度托利斯,卡頓保直指12碼點,可惜基沙文左腳狂抽竟然省中門楣彈出。之後馬體會瘋狂進攻,史提芬沙域近門命射、沙奧尼古斯凌空一抽都未能命中目標。70分鐘,莫迪歷妙傳右路賓施馬,不過後者一射被門將救出。77分鐘,皇馬搞到對手門前風聲鶴唳,但馬體會依然頂住未有多失,79分鐘即有後福,後備換入嘅恩歷克卡拉斯高,接應桑法蘭托里斯右路出波門前撞入,扳平1:1。84分鐘,桑法蘭托里斯右路又出波,托里斯趕到一射但又射唔中龍。90分鐘戰平1:1不分高下,繼2年前決賽後又要打加時。

加時上半場,馬體會憑較佳體力佔得優勢,基沙文幾呈單刀之勢,好彩丹尼路雷斯快一步篤走皮球;完半場前基沙文於禁區凌空抽射,可惜又高出。120分鐘仲係打成1:1平手,要互射12碼定勝負,馬體會有桑法蘭托里斯射失,而C朗為球隊射入最後1球,最後皇馬以5:3擊敗馬體會,第11次捧起歐聯獎盃!

即刻去東網足球facebook SO東波睇片

SO東波link

http://on.fb.me/1PWMCFH 


來源 source: http://hk.on.cc
鍾意就快D Share啦!