2016年5月10日 星期二

九個月大BB胎死腹中 葉凱茵一度險死 __,

葉凱茵重提這件事,是希望更多人知道個疾病的恐怖!香港小姐出身的葉凱茵與「舊愛」李思捷甩拖後,於2009年與圈外男友閃婚,隨後更為丈夫誕下兒子,兒子轉眼間已經五歲,去年葉凱茵再度懷孕,佗着第二胎的她本來一切順利,預產期在今年二月中,原本一家人歡天喜地迎接新成員,但卻晴天霹靂,一直檢查正常的葉凱茵患上突發性妊娠毒血症而腹痛,去到醫院時腹中九個月大的BB已經沒有心跳,葉凱茵亦情況危險,半隻腳踏入鬼門關。 ...


葉凱茵重提這件事,是希望更多人知道個疾病的恐怖!

香港小姐出身的葉凱茵與「舊愛」李思捷甩拖後,於2009年與圈外男友閃婚,隨後更為丈夫誕下兒子,兒子轉眼間已經五歲,去年葉凱茵再度懷孕,佗着第二胎的她本來一切順利,預產期在今年二月中,原本一家人歡天喜地迎接新成員,但卻晴天霹靂,一直檢查正常的葉凱茵患上突發性妊娠毒血症而腹痛,去到醫院時腹中九個月大的BB已經沒有心跳,葉凱茵亦情況危險,半隻腳踏入鬼門關。

「好驚、好慌、好亂、好痛!」

經過多月康復,葉凱茵接受訪問憶述傷痛說:「上年六月有咗BB,第二胎一切好正常,政府、私家醫院都有檢查,一切正常。喺1月15日突然個肚唔舒服有啲痛,因為預產期係2月11日,自己仲以為作動生得,去到醫院醫生話BB已經冇咗心跳、已經冇得救。醫生要即刻催生佢出嚟,當時自己清醒、好驚、好慌、好亂、好痛!醫生話我係妊娠毒血症,醫生話我執番條命都好好彩,因為病令到血壓好高,當時血壓180幾隨時中風,身體差咗好多,經過幾個月治療慢慢復原,但係隻眼都仲有少少黑影。今次講番件事,係希望多啲人留意呢個病,呢個病真係太恐怖,有啲人會有先兆,我就完冇徵兆。」

「遺憾冇見個仔一面。」

自言過往性格驚青脆弱的葉凱茵,沒想過自己如此堅強,初時也不停哭泣,也擔心自己有情緒病,慶幸有老公及五歲兒子支持,才沒有精神崩潰,她說:「唔係有老公同個仔,一早已經崩潰,喺醫院姑娘問我睇唔睇個BB,自己覺得好衰拒絕咗,因為擔心呢個畫面會係一世,我仲有個仔要照顧,唔可以冧。好遺憾、好矛盾冇見個仔一面,其實個心好唔安落。依家每日同BB祈禱,同佢講對唔住,可能同佢冇緣份,矛盾係BB成咗型、生咗出嚟,但得唔到媽媽懷抱,但已經係事實,冇辦法,為咗個仔一定要堅強。」

感激屋企人支持

BB夭折後葉凱茵在家休養多月,一度懷疑自己有驚恐症,她說:「有一、兩次喺房突然間好驚,都懷疑自己有驚恐症、情緒病,好彩個仔好活躍成日黐住我,令我分散咗注意力,自己一向好健康,冇諗過咁不幸嘅事會發生喺我身上,好彩自己有乜唔開心會講晒出嚟,慢慢又好番啲,成日同自己講仲有個仔,唔可以冧。」葉凱茵又特別感激老公悉心照顧,她說:「屋企人支持好重要,老公都好難受,老婆隨時唔得,見到佢咁照顧我,自己更加唔可以諗做傻事。」

「仲有乜嘢需要去驚。」

大難不死的葉凱茵康復後,為五歲兒子積極面對人生,沒想過會做生意的她與朋友合資六位數開設BFC Beauty Fans Channel在網上及旺角售買美容產品,她說:「今次做生意都係因為呢件事,希望個仔將來過得好啲,以前好驚青,依家仲有乜好怕,死都幾乎試過,真係半隻腳....執番條命好好彩,仲有乜嘢需要去驚。依家我主要負責宣傳,拍檔就負責入貨,產品會試過先賣,好似面膜都試咗十幾廿種,有啲效果唔好就唔賣,目標係希望再開間舖專賣潮物。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...