掃呢頁CODE去手機

2016年7月12日 星期二

35歲莊端兒出寫真 神秘人豪包2,000本 __,莊端兒,

莊端兒出寫真呀!又到七月,又係寫真集大戰時候!密封十年33C上圍、34歲的無綫小花孫慧雪開封初露,對撼28歲崔碧珈36G「Big瓜」揭開寫真戰幔,寫真戰又點止咁簡單!名媛諸葛紫岐(Marie)主理的星韜娛樂旗下藝人莊端兒以35E導彈壓軸姿態出擊寫真戰,並即引起神秘人垂青,立刻拍板「包起」!三個月減15磅今年35歲的莊端兒為準備是次寫真拍攝,在三個月內嚴格操控飲食下減磅15磅,早前到日本沖繩及香港拍 ...


莊端兒出寫真呀!

又到七月,又係寫真集大戰時候!密封十年33C上圍、34歲的無綫小花孫慧雪開封初露,對撼28歲崔碧珈36G「Big瓜」揭開寫真戰幔,寫真戰又點止咁簡單!名媛諸葛紫岐(Marie)主理的星韜娛樂旗下藝人莊端兒以35E導彈壓軸姿態出擊寫真戰,並即引起神秘人垂青,立刻拍板「包起」!

三個月減15磅

今年35歲的莊端兒為準備是次寫真拍攝,在三個月內嚴格操控飲食下減磅15磅,早前到日本沖繩及香港拍攝投資六位數字港幣的寫真集《As She Was Born》,大玩時尚、健康及性感三大元素,造型多多包括三點式水着洗車玩泡泡、性感高貴晚裝遊艇取景等,實行推出高格調的「真.寫真」!

從未被問價

貴精不貴多,據知是次寫真本初打算推出限量五千本,怎料即觸動一名神秘人的神經,九秒九拍板話要「包起」莊端兒,一包就包二千本!莊端兒接受《東網》電話訪問說:「都聽過有人咁做,雖然我唔知對方身分,但都非常感謝呢位神秘人咁支持!」對於有指不少女星及模特兒先後被問價兼「被照顧」,莊端兒聞言即向「被照顧」Say NO!她說:「咁耐以嚟,我真係冇被人問過價或者被邀請去飯局,可能冇乜平台可以直接問到我,我係宅女,平時鍾意喺屋企睇波打機或做Body care,好少出去Social,就算出去都係朋友生日或者公司聚會之類。我份人好悶架,實會悶親人,就算去唱K我都唔夠人爭咪唱啦,哈!」

日日飲木瓜魚湯

對於跟孫慧雪和崔碧珈正面交「峰」,莊端兒說:「佢哋兩個都好靚,孫慧雪好sweet,崔碧珈好有sex appeal,佢哋真係我嘅勁敵,哈!我嘅強項係手長腳長,42吋長腿,大家各有各靚!」另外,往沖繩拍攝時,莊端兒笑言曾「心慌慌」,她說:「出發前做晒Survey(調查)去沖繩一個沙灘拍,點知去到個沙灘閂咗,惟有即刻上網搵另一個沙灘,好彩好快搵到。(沙灘艷遇?)靚仔就冇,貓貓就大把!」她續說身在澳洲的母親十分支持,更笑言自己年紀不少已35歲,故母親支持自己出寫真外,又笑言多得對方的湯水,她說:「我十幾歲開始,媽咪幾乎日日煲木瓜魚湯,我估因為咁而身材好,當然又有媽咪嘅遺傳。」

感激Marie教導

莊端兒說最感激的是老闆Marie,她說:「Marie因為公幹要周圍飛,但係佢真係教咗我好多嘢,例如點擺甫士,邊邊面靚啲、搵衫等等,畀咗好多意見。Marie真係好靚,佢每次出嚟都好有儀態,好有笑容成個公住咁,反而我仲學緊,好多時睇番做訪問啲相,都會反問自己點解咁肉酸!」

對於莊端兒是唯一旗下藝人出寫真,身為老闆的Marie接受電話訪問,她說:「唔擔心旗下藝人會競爭,大家行嘅路線都唔同。呢本寫真賣點係靚同健康,睇呢本寫真就知道端兒好有個性,睇完會記住呢個女仔,唔係記住佢嘅身材!(有神秘人包起二千本?)係邊個都唔重要,有人支持端兒就得!」


來源 source: http://hk.on.cc
鍾意就快D Share啦!