2016年7月12日 星期二

m18講場:30歲都未算成人?點計㗎? __,

去到30歲,人家究竟當你大人定細路、認同你成熟否,乜原來仲要睇幾個條件?有4樣嘢一向被視為真正成年嘅象徵,就係「離開父母搬出嚟住」、「已置業」、「結咗婚(結過都計)」、「生咗小朋友」。呢4樣上一輩認為好理所當然嘅嘢,今時今日又有幾多30歲嘅可以「達標」先?香港依家不知幾多30幾歲嘅仍係單身,住喺阿爸阿媽屋企,甚至仲未畢業。咪以為呢個現象香港獨有,睇番美國人口統計局與研究組織公布數據,呢個係世界性問 ...


去到30歲,人家究竟當你大人定細路、認同你成熟否,乜原來仲要睇幾個條件?

有4樣嘢一向被視為真正成年嘅象徵,就係「離開父母搬出嚟住」、「已置業」、「結咗婚(結過都計)」、「生咗小朋友」。呢4樣上一輩認為好理所當然嘅嘢,今時今日又有幾多30歲嘅可以「達標」先?

香港依家不知幾多30幾歲嘅仍係單身,住喺阿爸阿媽屋企,甚至仲未畢業。咪以為呢個現象香港獨有,睇番美國人口統計局與研究組織公布數據,呢個係世界性問題!

數據顯示,美國現時30幾歲嘅人與40年前嗰啲比較,有天淵之別。1974年時,3/4年過30歲嘅人已婚、有小孩、已離開校園,並且有自己嘅居所;但到咗2015年,只有1/3人能做到。調查仲指出,就算係美國,80後與父母同住已經係新常態。

婚姻方面,同香港一樣,美國有近半25至34歲嘅人唔多想結婚,回顧1960年時,僅1/10人會咁諗。遲結婚自然遲有小孩,當中更有1/3人明確話唔想生。

點解會咁?答案同香港差不多,就係讀大學孭落大筆債,56%人話咁阻礙佢哋獨立同謀劃人生大事。另外,美國現時30幾歲嘅人當中,有8%仲讀緊書,睇番1975年時僅得1%。

呢輩嘅30幾歲,如果以上一代眼光嚟睇,只係似20幾歲。連美國都係咁,香港仲差,其實,30歲仲要靠父母,有邊個想!

─ ─ ─ ─ ─ ─

「致富智庫」,領悟理財/職場智慧,一Click改變一世

http://money18.on.cc/wealth

「東網Money18」fb專頁:有討論、有分析,齊來FUN享,贏盡●你Like

http://www.facebook.com/money18


來源 source: http://hk.on.cc
鍾意就快D Share啦!
Related Posts Plugin for WordPress, Blogger...