網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年7月6日 星期三

創富:英外賣App吸金15億 聘港男幫手搵食 __,

「幾年前,若仔女同父母講,打算做外賣網生意,佢哋會話做『外賣仔』無前途,但依家嘅父母會接受。」Deliveroo香港總經理羅家聰(Brian)說。去年10月,他加入總融資達2億美元(約15.6億港元)的英國送餐服務公司Deliveroo,主力為公司開拓香港市場,至今已成功找到約700間餐廳為合作伙伴,他料未來在香港的生意額將勝過倫敦。Deliveroo經營外賣網及App,Brian指,「我哋已邁向 ...


「幾年前,若仔女同父母講,打算做外賣網生意,佢哋會話做『外賣仔』無前途,但依家嘅父母會接受。」Deliveroo香港總經理羅家聰(Brian)說。去年10月,他加入總融資達2億美元(約15.6億港元)的英國送餐服務公司Deliveroo,主力為公司開拓香港市場,至今已成功找到約700間餐廳為合作伙伴,他料未來在香港的生意額將勝過倫敦。

Deliveroo經營外賣網及App,Brian指,「我哋已邁向龍頭地位,好快會做到香港第一。」他稱,此App受歡迎原因,是32分鐘快速送餐服務。「由客喺App落單,餐廳收Order,餐廳聯絡司機,到司機送貨等,我哋會監控整個過程,確保準時送到。」

Brian對平台引進的餐廳有要求,「食物要高質素,但唔一定要貴。如香港嘅米芝蓮飲食書,先會好罕有咁介紹街頭小食,就知香港人好識食,識食唔一定要食得貴。」平台美食包羅萬有,價錢由數十至數百元。

公司已跟多間大型餐飲集團建立獨家夥伴關係,包括美心集團、美麗華集團及太古集團等,以及黃枝記、The Butchers Club等人氣餐廳。他稱:「希望將來無論你在香港任何一個角落,都可用此App享有高質素外賣美食。」他期望此App會囊括每區評價最高的餐廳。

為求更盡善盡美,Brian動腦兼動手!儘管倫敦總公司已建立專利科技及物流平台,他深明要成功為公司建立香港品牌,是需要一套本地化經營模式,特別在客戶服務體驗上必要花心思。「喺倫敦,我哋會用單車送外賣;喺香港,除運用電單車外,我哋鍾意請後生仔做跑腿,揹住背囊Pick Up嘢食,然後跑去送餐。」

公司兩個月前推出Android中文版App。他早前親自做「外賣仔」,聲稱「自己做過,先知客人滿唔滿意,仲有了解司機同餐廳廚師係咪合作無間。」不斷提升服務水平,現在若廚師能早點出餐,會提早知會司機。

進軍香港市場看似一帆風順,但他也經歷過辛酸。「試過司機集體辭職,又收過客戶惡評,亦曾與餐廳有拗撬等。有次好深刻,幾個月前香港有一日特別凍,啲人唔想出街,外賣需求急增,但最慘嘅係,有車失靈,同時唔少司機病咗或搵藉口唔番工,搞到Order亂七八糟。個個同事忙住同客道歉。」經此一役,他設計出緊急應變計劃,日後面對類似情況,都不會手忙腳亂,並盡量保持服務質素。

而英國公投決定脫歐後,英鎊急挫,對英國公司Deliveroo投資海外市場,包括香港的步伐有否影響?Brian稱,「無!公司投資嘅市場唔多,但一旦開始咗,就會全力搞好,所以外圍嘅經濟環境,好似匯兌風險等,都唔會影響佢哋對開拓香港外賣App市場的信心。」

-----------------------------------------

●創辦人「放手」 強化歸屬感

「年輕人對自己仕途有另一種追求,再唔係非專業、非穩定嘅工種唔做。」27歲的Brian就是一個好例子,他大學畢業後,先加入麥肯錫諮詢公司,曾在金礦、煤礦等礦場,帶領近百位員工營運生產線,提升其生產效率。

他其後辭工,加入競爭激烈的送餐行業。「以前剩係畀意見管理層,人哋聽唔聽,你控制唔到。依家可落手落腳做,成功感大好多。」

他轉行全因偶然,經朋友介紹,認識了Deliveroo行政總裁兼創辦人William Shu,兩人一拍即合,對開拓香港餐飲市場抱有大信心。他稱,「我一直無定話要食邊行飯,見到機會就去試。」他又表示,對公司目前表現滿意,估計五年內也不會轉工。

公司在短短數月就搶佔行業龍頭地位,或多或少跟公司對員工的信任及給予自主性有關。Brian指,「Will好放膽畀我做決策,佢哋真係睇好香港市場先進軍,故投放嘅資源唔少。」

他用同樣開放態度聆聽團隊意見,「我啲同事試過話,條橋好蠢,唔聽你講。」他也從不擺出老細的姿態,「由開業至今,每逢周五,公司所有同事會一齊出街派傳單。」

公司每周生意額增長達10至15%,Brian稱,有目前成績全賴他的團隊。「好多位同事跟咗我一段時間,雖然大家無股份,但都當呢盤係自己生意,同埋公司業績有目共睹,總有啲成功感。」

他的團隊是一班有衝勁及魄力的80後年輕人,「我哋好快手,朝早傾好條橋,下晝就會試,第二朝就即睇成效,OK就全面Roll Out。」他有意改變App目前收費模式,因認為設85元最低消費及20元外送費較死板。該公司送餐服務已開拓至九龍區,逐步向新界邁進。

------------

「致富智庫」,領悟理財/職場智慧,一Click改變一世

http://money18.on.cc/wealth

「東網Money18」fb專頁:有討論、有分析,齊來FUN享,贏盡●你Like

http://www.facebook.com/money18


來源 source: http://hk.on.cc
鍾意就快D Share啦!


Related Posts Plugin for WordPress, Blogger...