小編真係唔敢相信，眼前呢個就係林莉！
久未在港露面的名模林莉近年到巴黎發展，經過三年打拚，早前成功躋身時裝界的最高殿堂，在巴黎舉行的高級訂造服時裝周中首度行騷，為港人爭光，為自己爭氣。
高訂天橋一直是模特兒夢寐以求的舞台，惟要國際一流的超模才能躋身其中，本地薑名模林莉早前為在巴黎舉行的Julien Fournié高訂騷行天橋，非常難得！
林莉自2013年離港後，一個人到巴黎闖天下，到今天踏上高訂舞台，三年間經歷不少辛酸，她說：「我冇再用Carrie呢個英文名，用番林莉嘅英文拼音Lin Li，一切重新開始。我喺巴黎四圍向品牌叩門，只係靠一對波鞋同一對高踭鞋打天下，我行過好多大大小小嘅騷。試過朝九晚五企喺showroom做人肉Dummy，周圍嘅模特兒都係十幾廿歲，雖然我一把年紀，只可以憑住樂觀嘅態度去努力。」
散發光芒獲賞識
林莉的努力及堅持沒有白費，最終獲Fournié賞識，他是首位起用林莉行高訂騷的設計師，當時Fournié單看照片，還沒見到真人，就已經決定要起用林莉，他說：「一般嚟講會見咗真人先決定，但我睇到佢嘅相，我就覺得佢嘅氣質好適合我嘅設計，近年世界各地都畀恐怖襲擊嘅恐懼濃罩，所以新季高訂我希望透過作品畀人見到光同美，而林莉就正正散發住呢種光芒，希望佢可以繼續為品牌行騷！」
來源 source: http://hk.on.cc
|
鍾意就快D Share啦！
|
|
|
