周潤發去到新加坡依然自拍癮大爆發。
周潤發身為國際級影帝，去到邊都甚為矚目。而大前日他於新加坡食肆歎肉骨茶期間，被當地市民「捕獲」，現場即出現「爭相集郵」潮；一向親民的發哥當然來者不拒，還使出自拍神技為眾人揸機影相，逗得大家開心不已。發哥如此親和，難怪殺盡不同年齡層嘅粉絲。
而當地粉絲跟周潤發成功合照後，更紛紛在社交網站晒「戰利品」，更有人留言激讚周潤發極之親民，又指不止一次在新加坡餐廳遇上發哥，更有網民留言爆料指發哥很愛喝湯。
而出名恩愛嘅發哥發嫂，去到新加坡都繼續煙韌，雖然宣傳行程排到密密麻麻，但仍爭取時間影合照晒恩愛。雖然結婚咁多年，發嫂同發哥合照時，依然流露出少女味極濃嘅冧樣，證明二人感情真係好到不得了！而喺新加坡逗留期間，咁啱發哥好友安樂公司老闆江志強生日，發哥夫婦仲特別為對方慶祝！
來源 source: http://hk.on.cc
|
鍾意就快D Share啦！
|
|
|
