掃呢頁CODE去手機

2016年7月6日 星期三

【185磅減到148磅】發哥靠跑山+肌肉訓練keep fit 日飲八杯水 __,發哥,周潤發,

上集我哋就考過發哥周潤發通識問題,今集佢就會分享吓自己嘅養生秘方。原來發哥平日除咗做好多補到標鼻血嘅運動之外,佢為咗唔做「賤人」,仲變到好細食!記者:倩宜 攝影:馮峰、Neo、陳順禎 上年先開始學跑步嘅周潤發(發哥),話自己已經上晒癮,每日唔跑番半個鐘都周身唔舒服:「跑咗之後呢上咗癮,點解呢,因為跑嘅時候有個胺多酚走咗出嚟,我入面隻鬼到時到候就叫你,如果唔去周身唔舒服,跑完個人好開心。」本身185 ...




其他影片:>>






上集我哋就考過發哥周潤發通識問題,今集佢就會分享吓自己嘅養生秘方。原來發哥平日除咗做好多補到標鼻血嘅運動之外,佢為咗唔做「賤人」,仲變到好細食!記者:倩宜 攝影:馮峰、Neo、陳順禎 上年先開始學跑步嘅周潤發(發哥),話自己已經上晒癮,每日唔跑番半個鐘都周身唔舒服:「跑咗之後呢上咗癮,點解呢,因為跑嘅時候有個胺多酚走咗出嚟,我入面隻鬼到時到候就叫你,如果唔去周身唔舒服,跑完個人好開心。」本身185磅嘅發哥,自開始做運動之後就瘦咗好多,最輕嗰陣仲得148磅。操到咁fit唔通想學張家輝?發哥話:「因為我見到曹星如好靚仔好弗呀,主要我做肌肉訓練,係想保護我啲骹位,舊時做好多槍戰片唔識揸槍,搞到傷晒,依家做番啲運動,操番啲肌肉保護我啲關節。」咁平日會唔會同埋發嫂一齊跑步?發哥即刻好抵死咁話:「我唔同得佢跑,佢跑得好快,佢爭啲貴利數多嘛,佢要跑山呀!你知我就好少借錢啦,我就冇咩爭貴利數,所以好悠悠閒閒咁走,佢就大鑊喇,借落好多通街數,一走起嚟最快嗰個劉易斯都追佢唔到。」既然個body就靠做運動keep,咁個靚仔樣又點keep先?點都有食啲補品同敷下面膜啩?「我咩都唔食,又唔食補品,我淨係飲水,八杯水就最基本。除咗一三五去跑山做呢啲帶氧運動之外,二四六我就去做肌肉訓練,每日呢啲就係補品嚟,呢啲有時補到你標鼻血喇!」發哥話以前明朝同清朝嘅人,一日淨係會食兩餐:「因為以前冇電,佢哋晚飯都好早食,所以以前會食三餐嗰啲叫賤人,點解叫賤人呢,因為佢哋梗係風花雪月,點晒洋燭call晒啲小姐嚟陪佢食飯,所以舊時食三餐嗰啲呢就係賤人。」【睇埋呢條】

賭神原來唔識賭啤 發哥自揭「捕獲路線圖」

http://bit.ly/29t4koi

逢一三五發哥就去跑山,二四六就去做肌肉訓練。 發哥啲皮膚keep得咁好,全靠平日發嫂幫佢做皮膚護理。
雖然發哥好鍾意影相,但佢話跑山嗰陣唔會帶埋相機去,因為咁會分心喎。 發哥話自己淨係飲水,唔食補品。 發哥講笑話發嫂因為爭太多錢,所以跑山跑得好快,唔知發嫂聽完會唔會嬲嬲豬呢?
發哥話因為以前拍戲唔識揸槍,所以搞到雙手啲骹位傷晒。 因為曹星如,令到發哥都開始操fit自己個body。 點解發哥可以keep得咁好?

鍾意就快D Share啦!