朱慧敏如果真係出家，相信一定好多人唔捨得。
藝人朱慧敏（Queenie）為「海外學生仁濟夜2016」慈善餐舞會擔任司儀。她表示即時回想起以前在美國做留學生時，也曾參與不少慈善活動，她說：「我係香港會嘅會長，同中國會嘅會長有好多緊密聯繫，經常會去探老人院，教外國嘅老人家唱中國嘅新年歌。讀書時都有參加賣旗，賣旗好犀利，以前賣完旗會有張券換漢堡包，我食完個包，啲同學都未賣完，我再幫佢哋賣。」
唔排除閃婚
她又指現時也會與前男友兼生意拍檔Eddie私下派麵包及飯盒給有需要的人。問到兩人是否復合？她說：「回應咗好多次，多謝大家關心，感情生活順其自然。（佢有冇咩行動？）冇，係生意拍檔，都係工作。（你哋會唔會突然結咗婚？）唔會，咁刺激？我現階段負苛唔到，過咗幾年就唔知，依家年紀細，順其自然。（同屆港姐都差唔多結晒婚，你羨唔羨慕？）戥佢哋開心，冇特別羨慕，我都想結婚生仔，但順其自然啦，但每個人嘅人生唔同，好多嘢可以做。」
機場呆等十個鐘
Queenie透露近年專心學佛，更曾有出家念頭，她續說：「但唔係咁易，要放低好多嘢，我未放得低，可能有或可能冇呢個緣份（出家）。如果我有日出家，大家唔需要驚訝。（放唔低邊個？）你哋囉！」Queenie又表示主要是放不下工作，並將會演出舞台劇，又指早前由上海回港遇阻滯：「本來一號返嚟，但最後三號先有機，仲要喺機場等咗十個鐘。」
來源 source: http://hk.on.cc
|
鍾意就快D Share啦！
|
|
|
