2016年9月14日 星期三

唯唯為賺奶粉錢隻手遮小唯 網民讚好爸爸 __,唯唯,梁烈唯,

世上只有爸爸好!父親真偉大!為咗搵奶粉錢你可以去到幾盡?藝人梁烈唯(唯唯)就全裸畀你睇!上個月唯唯開心公布老婆有喜,正所謂「風之后」李麗珊都有教,養大一個小朋友要四百萬嘛!係四百萬,唔係四百蚊喎!身為老竇嘅唯唯壓力當然大,早前仲喺微博發文「搲Job」做,叫各路兄弟有Job就搵佢做,其實都係為咗等BB出世之後有個五星級的家,真係廿四孝老竇呀!大讚童顏巨胸咁到底唯唯有幾搏?話說佢有份主演嘅熱播劇集《為 ...


世上只有爸爸好!父親真偉大!

為咗搵奶粉錢你可以去到幾盡?藝人梁烈唯(唯唯)就全裸畀你睇!上個月唯唯開心公布老婆有喜,正所謂「風之后」李麗珊都有教,養大一個小朋友要四百萬嘛!係四百萬,唔係四百蚊喎!身為老竇嘅唯唯壓力當然大,早前仲喺微博發文「搲Job」做,叫各路兄弟有Job就搵佢做,其實都係為咗等BB出世之後有個五星級的家,真係廿四孝老竇呀!

大讚童顏巨胸

咁到底唯唯有幾搏?話說佢有份主演嘅熱播劇集《為食神探》,尋晚嗰集講到唯唯以前因財困借錢而被逼影裸照,啲裸照仲喺網上瘋傳,而嗰張裸照冇花冇假真係全裸,唯唯只係用兩隻手掌遮住「小唯唯」。去到咁盡,網民都話服咗佢,撐佢一定係一個好爸爸之餘,仲大讚唯唯身材好,簡直係童顏巨胸,嗰六舊腹肌都唔講得笑。網民留言話:「睇唔出佢咁大隻!」、「佢拍飛虎個(嗰)時已經唔細隻!」

「正常狀態下,遮到唔出奇」

不過,喺一遍歡呼聲中,都有幾句噓聲嘅!有網民就搞笑問咗句:「咁易遮得住?隻手遮小唯?」嘩!咁你係咪暗示小唯唯真細小先?細細個媽媽都有教,嘢可以亂食,說話唔可以亂講,仲要係呢啲男人大忌,唯唯隻手大啫!識啲咩呀你哋,掌嘴!不過,唯唯份人就好大方嘅,佢接受《東網》訪問時就話:「咁我諗喺正常狀態下,遮到都唔出奇嘅!同埋如果遮唔到,都Cut走咗」提到觀眾大讚他有六舊腹肌身材好,佢就話:「我瘦啫!嗰時冇特別操,同拍《飛虎》嗰陣差好遠。」

「有着褲㗎!」

所以話,顧家嘅男人幾時都咁Man,唯唯呢一脫,就立即加晒分!不過,佢就話:「拍嗰時其實已經係好耐之前,但係想搵多啲奶粉錢係真嘅!(咁勇?)作為一個演員,我覺得冇乜所謂嘅!同埋當時係着住一條好幼邊嘅內褲,我有着褲㗎!」

網民有話兒

Ryan Txxx:係咪Key圖?點解咁易遮得住?隻手遮小唯?

Creamy Lxx:佢白雪雪咁大隻,好正!

Libra Lxxxx:佢拍飛虎嗰陣已經唔細隻!

Ted Lxx:好大隻呀!童顏巨胸!

Yxm Hx:為咗頭家「犧牲色相」,呢d(啲)先係一等一好男人!


來源 source: http://hk.on.cc
鍾意就快D Share啦!
Related Posts Plugin for WordPress, Blogger...