2017年2月27日 星期一

李V寶發足三日燒 徐若瑄勁心痛唔肯瞓 __,李V寶,徐若瑄,

徐若瑄勁心痛仔仔發足三日燒,索性唔瞓覺日夜照顧佢。做人阿媽甚艱難!貴為圈中索爆星媽嘅台灣女星徐若瑄,錫仔仔李V寶錫到燶,幾乎日日都甫李V寶嘅最新Update,勁講育兒心得同晒家庭樂,閒時又有多位圈中好友嚟探仔仔,熱鬧得佢吖!But……李V寶呢幾日就唔好彩病咗,仲要連續發燒三日,又咳又流鼻水,有時又會突然燒到近40度,搞到邊度都冇得去,真係慘慘豬。而阿媽徐若瑄都同樣冇得抖,自爆自己兩晚冇瞓覺,又要每 ...


徐若瑄勁心痛仔仔發足三日燒,索性唔瞓覺日夜照顧佢。

做人阿媽甚艱難!貴為圈中索爆星媽嘅台灣女星徐若瑄,錫仔仔李V寶錫到燶,幾乎日日都甫李V寶嘅最新Update,勁講育兒心得同晒家庭樂,閒時又有多位圈中好友嚟探仔仔,熱鬧得佢吖!

But……李V寶呢幾日就唔好彩病咗,仲要連續發燒三日,又咳又流鼻水,有時又會突然燒到近40度,搞到邊度都冇得去,真係慘慘豬。而阿媽徐若瑄都同樣冇得抖,自爆自己兩晚冇瞓覺,又要每15分鐘量一次李V寶體溫,仲話驚李V寶燒到超過40度時自己瞓咗㖭!徐若瑄寫道:「連續發燒三天、咳嗽、流鼻涕的李V寶,不能去打球、不能去Babe Gym、不能去公共場所,只好在家做靜態的事,榨榨果汁、彈鋼琴、打鼓,心疼死ㄇㄚˊㄇㄚˊ了!「其實媽咪已兩晚沒有睡覺,每15分鐘量一次他的體溫,因為他體溫上升的很快!會突然快速燒到將近40度,深怕他燒到超過40,而我昏睡中」

唔少熱心網友都留言分享小朋友退燒方法,又叫徐若瑄唔好咁擔心,更有網友話如果李V寶情況嚴重,提議徐若瑄帶李V寶去醫院。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...