真係唔提？真？
殺入影壇的前大律師林作到鯉魚門出席新片開鏡儀式，提到終於有電影處男作，他說：「一定要用『處男』呢個字眼？我客串啫。（使唔使畀被女摑？）坦白講我未詳細睇，有都冇問題，老實講難度唔係好大，我又唔係打人嗰個。（媽咪心痛你？）佢恨鐵不成鋼，佢想個仔有啲作為，但唔使點理佢。（你拍戲可以露股？）之前有報道話我願意全裸，我要睇吓係咩機會。」
唔想再提麥明詩
問到若果對手是麥明詩，是否OK？他說：「唔好再講佢，講親佢都有餘波。（佢話抽水唔係抽肉體就冇所謂？）我見到，但我冇其他評論。我講過，我嗰篇文係寫得比較倉卒，我承認自己敏感度不足，我唔會再提到佢。（佢有冇打電話畀你？）我有講番唔好意思，篇文被人誤解咗，佢都明白嘅。」
同性感𡃁模冇對手戲嗌蝕
問到新戲不乏性感𡃁模，林作說：「從來冇人同我講話有咁多靚女，頭先先發覺，蝕咗！據我了解，我好似同佢哋冇咩對手戲，早知有佢哋，我就要求加戲，稍後我都會去爭取。（唔驚同律師專業形象抵觸？）我講吓啫！（片酬好好？）唔好講錢我出嚟希望有啲機會發展下啫！」
來源 source: http://hk.on.cc
|
鍾意就快D Share啦！
|
|
|
