掃呢頁CODE去手機

2017年2月27日 星期一

震波外籍猛男伴舞 Twins呻冇時間望 __,Twins,

Twins有震波猛男伴舞,佢哋就話自己都要跳又要唱,冇時間望呀!組合Twins剛剛於美國Reno完成巡迴演唱會,在當地演出期間遇上大風雪,本來十分擔心會影響觀眾入座率,豈料風雪無減歌迷熱情,六千多人場館全滿,令兩位成員蔡卓妍(阿Sa)及鍾欣潼(阿嬌)十分開心。今次是Twins三度到美國巡唱,兩人先是在三藩市舉行歌迷見面會,然後再坐車去Reno演出。坐六個鐘到Reno平常風和日麗的情況下,坐車去Re ...


Twins有震波猛男伴舞,佢哋就話自己都要跳又要唱,冇時間望呀!

組合Twins剛剛於美國Reno完成巡迴演唱會,在當地演出期間遇上大風雪,本來十分擔心會影響觀眾入座率,豈料風雪無減歌迷熱情,六千多人場館全滿,令兩位成員蔡卓妍(阿Sa)及鍾欣潼(阿嬌)十分開心。今次是Twins三度到美國巡唱,兩人先是在三藩市舉行歌迷見面會,然後再坐車去Reno演出。

坐六個鐘到Reno

平常風和日麗的情況下,坐車去Reno也要四小時,但她們卻碰上大風雪,結果坐了六個多小時車才到Reno,但因為大風雪,主辦單位跟她們說,擔心可能賣晒飛也有觀眾會取消來看騷,令兩人非常擔心。幸好,開騷前Twins從大會得悉好消息,場館已經坐爆觀眾,令兩人不禁開心大叫。

歌迷做動作扮死

因為美國演出,大會特別加插新環節,找了兩個大隻外籍型男為她們伴舞,兩個都是大胸健美先生,兼且在舞台上玩得十分狂野,不停對觀眾震波,令觀眾很high!歌迷半場已經衝晒出台前站立跳舞,Twins也大膽下台跟fans握手,更加了點唱環節,清唱及跟觀眾大合唱了多首歌。在點歌時,因為現場太嘈,令兩人聽不清楚,歌迷竟然做動作扮死樣,叫他們唱「死性不改」,見到歌迷的扮死樣,笑到兩人幾乎斷氣。

阿嬌啱嫁外國人

舟車勞頓,加上時差關係,阿Sa坦言開場時因為太累,所以甩了歌詞,跳舞又甩了一次,但歌迷的熱情把她所有的疲勞趕走,她說:「班現場觀眾真係好熱情,我由好攰變比佢哋叫到成個人醒晒!愈唱愈精神,真係好多謝佢哋,咁大風雪都趕來睇我哋!阿嬌就好啦,佢冇時差問題,飛到去邊都一樣瞓到,佢真係適合嫁外國人,哈哈。」阿嬌就笑住話:「係喎,我真係從來冇時差。去到邊都瞓冇問題。」

阿Sa鍾情中國人

問到兩人對大會安排兩個震波男伴舞是否特別興奮?兩人異口同聲說:「又唔覺得特別興奮喎,佢震波嗰陣我哋又要跳又要唱,邊有時間望佢。」阿Sa就始終嗰句:「我都係鍾意中國人多啲囉!哈哈,呢啲外表似三,四十歲,但內裏其實可能係二十幾歲嘅小鮮肉,唔係我杯茶啦,其實最開心反而見到有外國歌迷,我哋用英文問外籍歌迷究竟知唔知我哋唱咩?佢哋回答話聽得明,仲舉起姆指稱讚,又跟住大家企起身跳,真係好意外好開心,冇諗過Twins有美國籍歌迷囉。」

今次是Twins第五十一場演唱會,接着是四月八日的福州場。之後還有重慶、南寧、東莞等地作巡唱。


來源 source: http://hk.on.cc
鍾意就快D Share啦!