掃呢頁CODE去手機

2017年6月2日 星期五

產後首亮相 楊采妮識分孖仔:眼神唔同 __,采妮,楊采妮,

楊采妮產後第一次喺香港亮相。現年43歲的一代「玉女掌門人」楊采妮(Charlie)早前在新加坡誕下孖胎,分別大仔謙謙和細仔暢暢。產後返港首度亮相的她, ...


楊采妮產後第一次喺香港亮相。

現年43歲的一代「玉女掌門人」楊采妮(Charlie)早前在新加坡誕下孖胎,分別大仔謙謙和細仔暢暢。產後返港首度亮相的她,於中環出席法國殿堂級珠寶品牌CHAUMET「始於1780年的珠寶藝術」展覽活動,她穿着一條露背紅色長裙及佩戴近800萬珠寶首飾,她在活動分享自己有儲珠寶習慣,但她誕下兩個都是兒子,她表示將來把會珠寶留給未來新抱。

已習慣做媽媽

Charlie提到自己已習慣做媽媽,她說:「係大肚過程都經歷咗唔同階段,當小朋友喺個肚度踢你,就感覺到自己真係做一個媽媽。同埋例如話幫佢哋剪指甲,初初都好驚,但到真係落手做嗰時就唔覺驚,個陪月我都係由香港請過去新加坡,始終覺得慣啲,食嘅嘢都相近。同埋自己冇兄弟姊妹,所以照顧小朋友方面好多嘢係由零開始,自己冇經驗。而我先生都有一齊照顧,佢掃風仲叻過我,又明白媽咪對小朋友嘅愛就係來自呢啲點點滴滴。(你同老公一齊照顧佢?)Daddy就返工為主,嗰時每次產檢都有陪住我,所以好感激,成個過程都好開心,佢返工前都會錫吓BB先出門口。」

Charlie表示現在已經識得分辨大仔同細仔:「開頭會認唔到,後來發現佢哋眼神,表達嘢方式都唔同,相處耐咗就會知道佢哋嘅分別。(餵人奶要餵兩個會唔會好吃力?)其實餵人奶對佢哋都係健康,因為孖胎係好易早產,我自己都係早產嬰兒,以前我會覺得我做唔到,要決心去餵,依家都慣咗。(佢哋依家幾重?)第三個月仲都未有最新磅數,但好重手。」

好掛住孖仔

Charlie稱今次是第一次體驗離開小朋友外出工作:「我搭飛機嗰時有拎佢哋張相出嚟睇,好掛住佢哋,好想下次帶埋佢哋去工作。(之後會唔會Keep住工作?)我都想以小朋友為重,想同佢哋多啲相處,幕後嘅就會好啲,之前有寫吓劇本。(做媽媽最辛苦係咩?)最辛苦係唔夠瞓,但值得嘅,見到佢哋好多反應,咩都抵番晒。」

有三位契媽

Charlie笑言BB出世後,多位姊妹爭住做契媽,現時已經有三位「自動契媽」:「特別多謝李心潔分享好多心得話畀我知湊仔秘訣,我哋會Recycle大家小朋友啲衫,因為好新,唔想浪費,而且佢會教定我BB每個月會有咩變化,等我有心理準備。」最後提到身形依然好Fit,她說:「因為我餵人奶,所以冇特別節食,我食啲咩就會畀BB吸收,坐月時又做足嘢,醫生就話我就嚟可以做運動。」


來源 source: http://hk.on.cc
鍾意就快D Share啦!