林敏驄澄清Bob冇遲到。
藝人林敏驄之前擔任林盛斌（Bob）及陳國峰擔任主持的無綫節目《Big Boy Club》的嘉賓，錄影期間，阿驄不時發揮其「無厘頭」答法本色，就連身經百戰的Bob都招架不住。期間，阿驄又對Bob說：「我以為你冇頭髮啫！腦都冇嘅！」又指阿Bob遲到，期間更掌摑Bob，毫不留情。
對此，林敏驄接受東網訪問時謂：「佢冇遲到，我哋好熟㗎！兄弟咁，搞吓氣氛啫！我哋係friend先咁玩。（你打到佢好應喎！）唔打到啪啪聲邊有咁嘅效果，我以前都成日畀志偉打我同Bob好老友，我哋拍嗰套電影之後都上，佢之前幫我做演唱會記者會司儀，都冇收錢，係啲人唔知頭唔知路先咁敏感啫！」問到正式演唱會時會否請Bob幫手，阿驄又搞笑謂：「我有請佢嚟做security，不過佢嗰兩日要去搵人仔。」哦！原來全部都是大家敏感，他們兩個原來是老友。
Bob接受東網電話訪問認真謂：「我真係冇遲到，但明白呢個節目訪問係要搞氣氛，所以阿驄佢郁手郁卻都係想大家睇節目時開心啲啫，佢夠無厘頭話我做殯儀業啦，我咪回佢我會將佢單殯儀嘢（作品展記招司儀）盡量做好佢嘞。我哋私底下好friend，最近仲一齊拍咗套電影添，真係好熟，可惜我要返內地拍嘢，真係去唔到阿驄嘅作品展。」
對於網民的誤會，Bob坦言：「我好熱愛我嘅工作，絶對唔會畀呢啲嘢發生，估唔到大家睇節目睇得咁認真啫。（都有網民讚你EQ高、轉數快喎。）多謝大家嘅關心，我會繼續努力嘅。」
來源 source: http://hk.on.cc
|
鍾意就快D Share啦！
|
|
|
