係朋友個表弟啫！
早前劇接劇忙得不可開交的傅嘉莉，難得有個假期，即與好友到意大利叉電兼遊覽。艷福無邊的她見到意大利靚仔主動攬到實，還笑言有個意大利「男友」。
藝人傅嘉莉（Kelly）早前與友人遊意大利約兩星期，踏足米蘭、威尼斯與羅馬等著名城市，所到之處不忘拍照留念，她透露此行主要是欣賞威尼斯的藝術雙年展：「威尼斯每兩年會有一個好大型嘅藝術展，因為我有個朋友係喺Art Gallery做，我又好鍾意畫畫同藝術，所以就跟朋友一齊過去大開眼界。呢段時間好多藝術家都會開展覽，我睇咗Damien Hirst嘅展覽，好大又好靚，睇完覺得好震撼！雖然買唔起佢嘅藝術品，但可以影張相都已經好開心。我以前讀過藝術史，依家踏足番書本上讀過嘅地方，覺得好有意思。」
住民宿買餸煮飯
Kelly指今次有不少新鮮經歷，例如與朋友租住當地民宿，大家一齊買餸煮飯，體驗意大利的生活：「我仲去咗朋友嘅家鄉Sora，參加咗一個初生BB嘅洗禮，好似融入咗意大利人生活咁！我個朋友有個小表弟，佢經常都同我哋一齊，佢好有紳士風度，我好似有個意大利小男友。」Kelly在小男友帶領下遊覽多個名勝，還「情不自禁」熊抱小男友，大方公開「密照」。
來源 source: http://hk.on.cc
|
鍾意就快D Share啦！
|
|
|
