掃呢頁CODE去手機

2017年6月2日 星期五

【想返大陸拍劇】林峯話唔想同佢做朋友 祖兒:聽完之後有反省 __,林峯,容祖兒,祖兒,中國,大陸,

容祖兒今日去到中環出席美腿按摩機活動,連負責司儀嘅區永權亦都着住高踭鞋亮相,佢話係獻出自己第一次。至於祖兒就分享自己平時夜晚會喺屋企着高踭鞋,佢話:「 ...


容祖兒今日去到中環出席美腿按摩機活動,連負責司儀嘅區永權亦都着住高踭鞋亮相,佢話係獻出自己第一次。至於祖兒就分享自己平時夜晚會喺屋企着高踭鞋,佢話:「因為經常要為第二日嘅工作試衫,所以要試埋對鞋。媽咪就叫我唔好夜晚着住對鞋行嚟行去,會俾鄰居投訴。」另外,祖兒又帶咗三對私伙高踭鞋喺活動上分享趣事,入面有兩對都係演唱會嘅時候着過,其中一對就係因為遲到所以要着住跑步,另外一對祖兒形容鞋踭有成呎高,佢話:「係當年做1314演唱會喺紐約走埠,中場換衫嘅時候唔小心跣低拗柴,第二日要即刻喺紐約睇跌打。」祖兒話自己好鍾意高踭鞋,覺得着咗就好有自信,直到有一次林峯同佢講話唔想同佢做朋友,因為覺得佢太高而且唔啱比例:「我聽完之後有反省,o依家已經減番兩吋,唔會再咁離地。」祖兒受訪時話:「因為林峯平時好寡言,突然間咁認真講令我有反思。」大會喺活動尾聲向嚟緊16號37歲生日嘅祖兒提早慶祝,仲送上蛋糕同唱生日歌,祖兒就即場許願,話希望以後着高踭鞋唔會再拗柴。講到生日有咩節目?佢話:「未有Date,應該都係食飯,不過當日應該係唔使做嘢嘅。」會唔會出埠?佢話:「得嗰幾日去得邊?但我真係鍾意即興旅行,上次完咗演唱會後好想即飛英國睇Bruno Mars,但知道接住要拍廣告所以忍痛放棄咗,點知原來個廣告都取消咗,嬲到我原地跳。」咁今年生日想唔想即興旅行?佢話:「到時睇吓Timing啱唔啱啦。」至於生日願望,祖兒話希望有機會拍吓劇:「大陸啲劇集製作越來越好,有機會都想試吓。」古裝定時裝?佢話:「一定唔可以古裝,我個樣咁諧趣,拍出嚟以穿越,以為拍緊鬼片,大陸會禁㗎。」講到謝霆鋒斥8千5百萬買樓送俾爸爸謝賢,祖兒又會唔會再入市?佢話:「霆鋒係乖仔,但我暫時唔會入,自己冇時間打理,又唔想增添媽咪負擔,要佢打理好辛苦。」

祖兒話林峯因為佢太高而唔想同佢做朋友。(左資料圖片 /攝影:陳俊強 ) 祖兒今日出美腿按摩機活動。 大會提早同祖兒慶祝生日。
今個月16日就37歲生日嘅祖兒,話希望以後着高踭鞋都唔會拗柴 司儀區永權亦都着住高踭鞋亮相。

來源 source: http://s.nextmedia.com
鍾意就快D Share啦!