2017年7月27日 星期四

鄭丹瑞欽點跑出 《男臣》何廣沛前身金髮長毛 [壹週刊 - 1429] __,長毛,何廣沛,鄭丹瑞,《男臣》,梁國雄,M1,

探熱針鄭丹瑞欽點跑出 《男臣》何廣沛前身金髮長毛現年28歲的何廣沛,在大台五年,一直被視為潛力股狂谷。近日拍住前輩蕭正楠在《超時空男臣》亦相當養眼。一 ...


探熱針

鄭丹瑞欽點跑出 《男臣》何廣沛前身金髮長毛

現年 28歲的何廣沛,在大台五年,一直被視為潛力股狂谷。近日拍住前輩蕭正楠在《超時空男臣》亦相當養眼。

一直以乖仔形象贏民心的他,原來大學時期是金髮長毛,估佢唔到!入大台後被藝訓班導師鄭丹瑞欽點即脫胎換骨,由長毛變男神!

成績表加持

繼續做男二的何廣沛,拍新劇《跳躍生命線》,當日跟張彥博、郭子豪拍沙灘戲,講機會他比兩人都幸運。

出道短短五年,已經是男二的何廣沛,近日亦憑住出街的大台劇《超時空男臣》,以青靚白淨的「小李子」一角,鋒芒緊貼男一前輩蕭正楠。繼續受大台力捧的他,早前獲安排拍港姐宣傳片,近日亦以男二姿態拍住馬德鐘開劇《跳躍生命線》。

網友 like,何廣沛的星途亦扶搖直上,一三年藝訓班畢業後兩個月已經孭重飛,在《女人俱樂部》演吳啟華少年版。據了解,屬二十六期藝訓班學生的他,多得藝訓班導師鄭丹瑞的加持。

「 Matthew(何廣沛)入藝訓班前,喺網台做過年幾主持,個人好定。旦哥(鄭丹瑞)好錫佢,因為覺得佢夠勤力又俾心機,所以成日喺其他人面前讚佢有潛質,甚至喺 Matthew張成績表上極力嘉許,之後仲推薦佢拍《女人俱樂部》,旦哥可以話係佢嘅伯樂。不過都要靠佢努力,先可以有口碑,啲監製鍾意用佢。」知情者說。

鄭丹瑞(阿旦)是何廣沛讀藝訓班時的導師,一早睇好他,阿旦演出《女人俱樂部》時,更力薦剛畢業的何廣沛孭重飛。

何廣沛大學時期係長髮金毛!咪以為係曳仔先咁樣打扮,其實當時佢學偶像組合「飛輪海」。

何廣沛拍埋兩個早有默契的男主角蕭正楠、曹永廉絕不失色,三人一幕舔雪糕更成爆點位。

前度嫌棄冇用

鄭丹瑞眼中的潛力股,原來曾是一頭金毛, MK味濃,更被前度嫌棄不思進取的「廢青」。本刊發現他讀大學時期的相片,長髮金毛的何廣沛,跟現時乖乖仔形象判若兩人。「 Matthew數學叻,但讀書時掛住玩,考試靠打天才波,後天唔夠努力,所以成績好一般,當時性格又有啲反叛,佢父母就將佢送去美國讀書。大學畢業後返港,女友嫌冇前途就狠飛佢,不過都多得呢個拍咗拖幾年嘅前度點醒,失戀之後佢變咗另一個人,做嘢好上心,勤力到爆。」知情者續說。

雖在台慶頒獎禮失落「飛躍」及「男配」,但在星和無綫電視大獎卻得「 TVB最佳新人」。

跟江嘉敏在《親親我好媽》做一對小情侶,一樣得網民受落。

去年他拍住方中信演出《律政強人》,更憑此劇獲提名「飛躍進步男藝員」及「最佳男配角」。

藝訓班一畢業就接拍《女人俱樂部》,演吳啟華的少年版。當日吳啟華讚他生得靚仔。

退出天堂鳥

當年何廣沛的長髮 MK look被 MK-pop天團「天堂鳥」的經理人睇中,招攬佢入團。不過最後因大台唔肯放人,塞翁失馬,做唔成「天堂鳥」成員,今日卻成大台力捧上位的男神。

除演戲,亦鍾意唱歌的何廣沛,差一點成為香港組合「天堂鳥」的成員。不過最後因大台唔放人,歌手夢碎。

剛畢業時,他曾在《超級無敵獎門人終極篇》做「雜工」,負責抬住張墊,扮鬼扮馬。

大學主修會計

中三讀赤柱聖士提反書院的何廣沛,之後送到美國三藩市讀書,並畢業於美國加州州立大學會計系。不過畢業後沒有投身會計行列,反而走去做 Model,及曾在網台任主持。 12年加入大台藝訓班,從此平步青雲。

小學時跳過芭蕾舞,有表演天分的他,大學讀會計只為滿足家人要求。

同期同學上緊位

何廣沛是大台 26期藝訓班學生,亦是當中最快跑出的一個。至於同班同學中,有幾位女同學靠身材出位。

他是第 26期藝訓班學生,同期的同學還有李旻芳、林泳淘及楊家寶。男的只有他跑出。

李旻芳去年為《東張西望》採訪潑水節,俾人一桶水照頭淋的她,濕身後小背心都掩不住一副好身材,引來網友注目。

同樣是《東西》外訪記者的林泳淘,去年著住白色小背心外訪《 Pokemon Go》熱潮,其驕人身材,在網民心目中出現過一剎那的光輝。

早前播完的《不懂撒嬌的女人》,一幕從後「胸擊」林文龍的半裸少女楊家寶,因而瞬間留名。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...