2017年8月17日 星期四

生日收紅玫瑰!G.E.M.孖男友燭光晚餐勁冧 __,G.E.M.,G.E.M,鄧紫棋,

好Sweet啵!「宇宙天后」鄧紫棋(G.E.M.)昨日26歲生日,佢連日嚟都有唔少慶祝活動,包括出席好友何超蓮、王君馨、鍾舒漫、鍾舒祺等為佢提早一日搞 ...


好Sweet啵!

「宇宙天后」鄧紫棋(G.E.M.)昨日26歲生日,佢連日嚟都有唔少慶祝活動,包括出席好友何超蓮、王君馨、鍾舒漫、鍾舒祺等為佢提早一日搞嘅生日P,而佢男朋友仔Mark Ngai當日亦有驚喜現身,睇嚟兩人打算唔再密冚戀情!

生日呢啲重要日子,正日梗係要留畀男朋友仔G.E.M.昨晚喺Instagram晒出一張食燭光晚餐嘅相,相中見佢去咗一間高級餐廳食飯,不過就全程唔見佢男友Mark入鏡。去到食Cake時間,G.E.M.就雙手合十許願,仲瞇眼甜笑着許願,個樣勁冧!G.E.M.仲表示:「Best birthday dinner ever.♥️(最好的生日晚餐)」睇番個影相角度,揸相機嘅人似乎係坐G.E.M.隔籬,唔使估一定係男友

至於未有入鏡嘅Mark,之後亦有喺Instagram高調地晒出N枝紅玫瑰,並祝G.E.M.:「Happy Birthday. ❤️(生日快樂)」而G.E.M.收到啲花之後,亦嘟起個嘴仔話自己係呢個世界上最幸運嘅女孩,閃到呢……粉絲見到後都紛紛向佢哋催婚,唔知幾時好事近呢?


來源 source: http://hk.on.cc
鍾意就快D Share啦!
Related Posts Plugin for WordPress, Blogger...