2017年10月23日 星期一

【獨家】吳若希孖老公豪使40萬影婚紗相 __,吳若希,

影婚紗相加歐遊,成個行程約十日。歌手吳若希(Jinny)和老公Alex於10月10日在唱片公司簽字註冊結婚後,昨日(22號)晚上兩人翹住手恩愛現身機場 ...


影婚紗相加歐遊,成個行程約十日。


歌手吳若希(Jinny)和老公Alex於10月10日在唱片公司簽字註冊結婚後,昨日(22號)晚上兩人翹住手恩愛現身機場,全素顏帶上口罩的Jinny和老公在商務櫃位辦理往歐洲的登機手續,放好兩大篋行李在輸送帶後,老公就拖住一身名牌的Jinny買咖啡解渴,而Jinny兩公婆亦大方接受東網獨家訪問,表示起程往歐洲影結婚相及旅遊,如時間許可或會順道欣賞球賽,行程約為十日,整個行程據知約為40萬港幣。

囡囡半歲識講嘢

問到為何不帶半歲大的愛女Giselle同行?Jinny話女兒年紀太少,加上行程緊密要走訪多個歐洲地方,怕女兒會感疲倦,不過今次是她誕下女兒後,和女兒分開的最長時間,故感到萬分不捨:「我臨出門口時氹佢(Giselle)瞓覺,攬住佢時好唔捨得,心諗死啦,我要走啦,忍唔住流咗幾滴眼淚,我同佢話媽咪好快返嚟,依家講起個心仲好赤。」而在這十日行程中,她會和囡囡用Face Time保持聯絡,還會跟女兒傾偈,她說:「佢會咿咿呀呀,係媽媽先識聽呢啲BB語言。」而老公Alex補充說:「會識叫爺爺,(半歲識講嘢?)係呀,會叫『耶耶耶』。」Jinny亦認同說:「係呀,瞓唔着時會(同爺爺)傾電話,佢識叫呀。」又指因不放心囡囡,故請多了一位陪月,還有兩個工人姐姐,老爺、奶奶等輪流幫手湊女兒。問可有儲人奶餵囡囡?她稱:「餵了囡囡飲人奶三個月就沒有再餵。」

肉麻讚老婆Perfect

問到Jinny其老公可會在今次歐遊中補做求婚儀式?她笑住說:「我搜過佢行李,冇異樣。」至於婚紗可會是性感款式?她指不算性感:「最緊要靚,冇帶晚裝,但有幾套casual wear,我哋想影啲型格啲,因為佢(Alex)一見鏡頭就會硬晒,婚紗係咩款就唔太清楚,因為交畀造型設計師搞,亦有同事將批衫送到當地。」問她是否因要影婚紗照而Keep fit,她自豪說沒刻意:「我都唔想咁瘦,體重回復番18歲時,得50 KG。」問Alex是否很滿意太太的身形?他不怕肉麻說:「Perfect。」又指自己為影結婚相已準備就緒,就是陪住太太及照顧她,氹得Jinny眉開眼笑。Jinny又話不會趁旅遊時再造人,因為暫時要休息,先養肥自己。

「佢啲錢都係我嘅」

早前Jinny表示樂意做幕前賺私己錢,她說老公很贊成自己出外工作,不過:「自己搵嘅錢係我嘅,佢啲錢都係我嘅。」問老公可有說加家用?她稱老公沒說過,亦不知老公每月到底賺多少錢,亦沒有給她一定數的家用,不過:「每當冇錢時,我會喺佢銀包自己攞幾千蚊,依家買餸都好貴,一個禮拜成家人要成幾千蚊買餸錢。」Alex暗示老婆沒有打斧頭,因為他每餐都要食鮮魚。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...