2017年10月23日 星期一

今次輪到阿Kay揩花條軨 阿聰強忍淚! __,Kay,謝安琪,

真係心都痛埋!人生,不如意事,十常八九!呢句話真係冇錯!藝人張繼聰日前發生交通意外,佢仲識拍片自嘲,見佢拎住「輪拱」個樣,真係Sad到冇朋友!點知今日 ...


真係心都痛埋!


人生,不如意事,十常八九!呢句話真係冇錯!藝人張繼聰日前發生交通意外,佢仲識拍片自嘲,見佢拎住「輪拱」個樣,真係Sad到冇朋友!點知今日又出事喇,不過今次就唔關阿聰事,出發嗰個係佢愛妻謝安琪(Kay)!

啱啱,阿聰喺fb上載一條片,一開始佢就話:「人生發生好多嘢,都係有原因嘅,前幾日我係咪揩花咗㗎車嘅,頭先有個女歌手同我講唔好意思。」聽佢個語氣好平靜,之後鏡頭一轉,就影住車軨,嗯,係花咗少少嘅。

之後阿聰繼續話:「我話唔緊要啦,少少啫!點知佢話唔係呀,後面!」嗯,就成個軨花晒,相信阿聰見「二奶」個軨花晒,個心肯定痛到不得!

但阿聰強忍淚水,繼續話:「我同老婆講唔緊要啦,軨係要揩花嘅,最緊要人冇事咪得囉,我自己都係成個輪拱炒出嚟冇事喇,幾開心,冇事喇,拜拜!」

Kay見到條片,都即時開心share話:「明明有人話唔緊要啦,唔係咁覺啫,點解宜(依)家好似全世界都睇到咁嘅呢……我下次揸車出街,係咪會好多人向我大嗌:"Kay~你好嘢"」Kay,你都係唔係再刺激阿聰喇!


來源 source: http://hk.on.cc
鍾意就快D Share啦!
Related Posts Plugin for WordPress, Blogger...