全城期待的iPhone X本周五接受預訂，又係果農準備賺一筆嘅時候。不過，今個星期要炒嘢賺錢，其實又何止得iPhone X？事關「股王」騰訊(00700)個仔，即是由集團分拆上市的閱文集團(00772)，亦於本周四公開招股，兩者投資額都1萬元左右。假如係你，攞1萬元抽iPhone X定係抽閱文？點揀最着數？
《東網》訪問了一眾香港股壇分析員，你以為財演們會建議買股？少年，你太年輕了！不如睇睇佢哋點講。
－－－－－－
iPhone X 真係可以K.O.閱文？
銀河證券業務發展董事羅尚沛表示，iPhone X的預期回報一定高過抽閱文，相信iPhone X最多可以炒高「成皮嘢」，但預料閱文「都係賺3、4千蚊」。他指，雖然抽閱文及買iPhone X的成本相若，但抽閱文風險較高，更可能要坐貨；至於iPhone X「唔炒都可以自用，又型又威」！
羅尚沛又話，如果你想追求異性，用iPhone X成功率一定大增，簡直「溝硬女」！如果你已經到了談婚論嫁的地步，持有閱文股票前景好，「外母都放心啲！」
富昌金融研究部總監譚朗蔚表示，從賺幅來說，iPhone X在香港的配額非常緊張，只有數百部，炒價有機會達數千至近萬元，至於閱文一手1.1萬元，但賺幅難有幾千元至萬元。他又指iPhone X抽中結果即時知道，但閱文要幾日後先知，資金會被鎖死，不能炒股，所以如果二選一，他會選擇抽iPhone X。
君陽證券行政總裁鄧聲興表示，作為新股，閱文表現預期將較眾安在綫(06060)優勝，估計將有6成多升幅；至於iPhone X相信最高峰也只會炒高6、7千元，因此兩者預期回報差不多。不過，他認為炒iPhone X要把握炒賣時機，難度相對較高，持有閱文則可以作為中長線投資。
信誠證券聯席董事張智威坦言，料iPhone X的水位較大，但抽iPhone X難度相對亦較高，因投資者可能要「睇彩數」。投資者不妨雙管齊下，閱文兼iPhone X都嘗試認購。
－－－－－－
先達老行尊又點睇？
出售iPhone在旺角先達廣場打響名堂的先達手機舖G-World店主Lo哥稱，「已準備用數百萬元投資iPhone X，主要是收機轉售賺差價，估計每部賺數百元。」他更估計，今次若抽中iPhoneX，最多可賺成個開。
但Lo哥沒有留意過閱文集團，他說，「就算想買股票，始終做生意還做生意，投資還投資，投資風險各異，唔係魚與熊掌嘅問題。一向做生意或投資嘅資金各半。」
－－－－－－
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！
立即免費下載，體驗《骰寶坊》最真實、刺激的多人在線骰寶遊戲！
遊戲下載：https://goo.gl/7JP2hm
致富智庫」領悟理財/職場智慧，一Click改變一世
http://money18.on.cc/wealth
東網已全面支援360影片及相片，讓你全方位睇盡新聞大事，恍如置身現場，立即登入東網360專頁：
http://on.cc/360vr/
|
鍾意就快D Share啦！
|
|
|
