苗僑偉話冇諗過拎視帝。
藝人苗僑偉到將軍澳出席《台慶鉅獻：天與地II》記者會，苗僑偉首次為紀錄片擔任廣東話旁白，他說：「第一次聲演，係幾好玩，六集錄咗三日，難在係啲用字同發音，同平時講嘢唔同，要好標準，唔可以有懶音，我配音時旁邊都有導師指正我。（多唔多懶音？）實有，平時唔覺，有時講對白可以自然啲。」
配音勁代入
問到配音與拍劇相比會否較難？苗僑偉笑言：「梗係拍戲難啲，配音有稿讀唔使記對白。不過，其實配音都要有戲，要代入啲動物諗緊乜，咁先吸引到觀眾。」講到接配音工作原因，苗僑偉透露是應杜之克邀請：「唔係因為《使徒行者2》，係早前《射鵰英雄傳》時big big channel拎黃藥師嚟玩，我幫佢哋啲片配番音，杜生讚話幾特別，加上我都鍾意睇紀錄片。」
畀人叫卓Sir
講到主演的熱播劇《使徒行者2》在內地播出大結局，有指馬國明現身為劇集留下伏線，問可有機會拍第三集？他說：「要睇編劇接唔接到個劇情先，反正我唔會變，係都做番卓Sir。（卓Sir係你代表作？）呢幾年嚟講算係，大家重新認識我，香港內地都好多人叫我卓Sir。（問鼎視帝？）不嬲唔諗，我情感比較少起伏，不過袁偉豪、黃翠如都好好，翠如真係有機會問鼎視后。」
來源 source: http://hk.on.cc
|
鍾意就快D Share啦！
|
|
|