2018年9月18日 星期二

專題:【一門雙傑】森美前世情人威過阿哥跳班! __,森美,

森美兩個仔女都相當優秀!星二代遺傳晒父母嘅優良DNA,個個小小年紀都已經品學兼優討人喜歡,好似吳尊個寶貝女NeiNei,有標致樣子,又具演藝天分,參加 ...


森美兩個仔女都相當優秀!


星二代遺傳晒父母嘅優良DNA,個個小小年紀都已經品學兼優討人喜歡,好似吳尊個寶貝女Nei Nei,有標致樣子,又具演藝天分,參加音樂節比賽仲贏到鋼琴同唱歌嘅金牌,令爸爸吳尊相當開心,大讚阿女係佢心目中嘅「英雄」。

成功做「小太空人」

而香港代表都有森美,大仔曦樂(Lancelot)同囡囡曦童(Charisse)都相當生性聽話,讀書從來唔使呢位潮爸擔心。好多人都形容女兒係爸爸嘅前世情人,Charisse當然唔例外,係森美嘅小甜心!佢唔止成績好,性格仲主動外向,好鍾意參加唔同類型課外活動,上年就過五關斬六將成功被選中做「小太空人」,到美國享茨維爾太空訓練營接受模擬太空人訓練,仲可以到NASA同太空人見面,呢個機會真係唔容易!

選為兒童飛龍大使

今年暑假Charisse更被學校選拔為兒童飛龍大使成員之一,同其他亞太區嘅學生代表,去日本福崗做交流生體驗當地人生活,而完成咗兩星期交流後,佢仲飛咗去英國參加學校遊學團學英文兩星期,夾埋足足一個月!森美都話個女係大忙人,仲話今次係佢出世以來,第一次獨自離開屋企人咁長時間。

想寫外太空故事

而Charisse參加小太空人都有段古,佢原來想做作家,寫一個外太空嘅故事,所以想探索太空多啲。而廿四孝爸爸森美就話無論點都會尊重同支持仔女嘅意願,如果阿女將來想寫作,就會安排佢到外國讀書;如果想做專科行業如律師或醫生,就會建議佢留港升學,總之就畀多啲出路佢自己揀。

唔使仔女讀神科

至於15歲大仔Lancelot就去咗英國升學,仲要跳埋班!森美話自從阿仔去咗留學之後變得獨立,更勤力讀書非常生性,但將來阿仔想讀咩科就由佢自己話事:「講笑就話讀『神科』(大熱科目)最好,咁其實係對小朋友冇信心啫,如果對小朋友有信心,搵佢自己喜歡嘅科,係咪『神科』唔重要,最緊要快樂啫!」

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!
Related Posts Plugin for WordPress, Blogger...