掃呢頁CODE去手機

2018年9月18日 星期二

李佳芯摑「前夫」十幾巴網民:邊個夠膽蝦Ali BB __,Ali,李佳芯,

李佳芯摑「前夫」十幾巴 網民:邊個夠膽蝦Ali BB
李佳芯摑「前夫」十幾巴 網民:邊個夠膽蝦AliBB李佳芯(Ali)不嬲都係好多人心目中嘅女神,雖然佢有個「野獸」男友,但冇人取代到佢女神嘅地位。最近A ...


李佳芯摑「前夫」十幾巴 網民:邊個夠膽蝦Ali BB





李佳芯(Ali)不嬲都係好多人心目中嘅女神,雖然佢有個「野獸」男友,但冇人取代到佢女神嘅地位。最近Ali BB拍新劇,入面有個情節係講佢大大力掌摑前夫,仲要一次過摑十幾巴,真係隔住個mon都覺得痛。




Ali BB之前喺《BB來了》演新手媽媽,大家都覺得佢演技真係好咗,人氣急升好大機會成為今年視后㗎。最近Ali拍新劇《殺手》,飾演一個有11歲囝囝嘅師奶,今次又做媽媽,Ali BB又有得發揮



今次Ali喺《殺手》就以爆炸頭長髮加上粗框眼鏡示人,依然都係咁索。最近佢就去咗北角建華街拍一場掌摑戲,劇情係講前夫陳嘉輝消失十年後,突然返嚟同Ali認錯,Ali BB就喊晒口話:「一年還一巴!」



講完之後就一巴巴咁摑落前夫度,摑到「啪啪」聲,陳嘉輝足足「硬食」咗幾十巴掌。不過Ali BB都好大壓力:「每次拍呢啲戲我寧可被打,打人好大壓力。拍前我哋有度位,手要放鬆,加埋角度遷就,但巴巴都中面係會掂到,咁樣先至夠逼真,同時唔會傷到對手。哈!開機後我唔會手軟。」



Ali BB咁惡男友陳炳銓(Danny)真係一啲都未驚過:Ali話:「又唔會驚喎!拍呢場戲我係有壓力,所以拍前有同佢(Danny)提過,佢反而會從劇情出發話『咁要狠啲喇。』」

Cap by:巴士的報



香香公主同Ali BB爭做女神

日前,李佳芯與岑麗香一同出席極限挑戰活動,同為靚女的二人不約而同齊齊晒美腿!當Ali接受傳媒訪問時,她直言自己自細已是個運動健將,會玩繩網、平行木及高低綱等,聽落少啲體力都玩唔到以上運動!她續指比賽卻較少參加。

Ali仲話因為自己貪玩,所以咩類型的運動都會學少少!


對於極限運動,Ali就坦言曾玩攀石,但因到高處再望落地下,先發現原來自己有少少畏高,仲話因已經過咗玩笨豬跳的年紀同冇勇氣,所以亦未曾玩過笨豬跳,但就反而想試下跳降傘!



當問到Ali覺得咩類型的女生較吸引,她指自己較喜歡女生短頭髮同曬黑,但因曾經有一次化妝化到好黑,結果令化妝師跟她說千祁唔好曬黑,因為話曬黑後完全唔靚,所以她從來都唔會曬黑,因為知會唔襯自己!

大家可以試想下Ali BB晒黑咗之後嘅樣會係點!


香香自爆俾人咬

另一方面,同場出席活動的香香剛由加拿大回港,冇見一排,香香望落依然神彩飛揚!她接受傳媒訪問時,表示最近努力增肥,希望可以長多啲肉,更笑稱:「不但是為了生BB,肥美些被人咬亦不錯。!」難道老公平日很喜歡咬她?



香香於加拿大養尊處優的生活相信不少人都非常羨慕,她亦指最近多了時間自己煮食,身體都健康些!提到造人大計,香香表示仍是順其自然,會期待新生命來臨!



香香回應好姊妹誕第二胎一事

近日有傳鐘嘉欣已秘密誕下第二胎,對此,香香則不停地笑說:「我不知道,我對著鏡子已經練了100句不知道,還是等當事人公佈吧。」 睇嚟大家都係要等嘉欣BB親自公佈



李佳芯 肯捱肯搏好相與

想當年由model做起嘅Ali,原來在旅遊記者界出名肯捱肯搏好相與,大約13年前開始已多次跟住記者上山下海,由台灣、日本,去到意大利、澳洲、斐濟,最勁仲去埋南極!以下的版面同靚相,眼利嘅網民又記唔記得先?

李佳芯

由收費電視主持,轉到大台做是非精,再由情婦角色做到入屋,全靠呢副剎食笑容。


李佳芯

Ali去年在劇集《踩過界》中變身豪放大法官,以前出trip著健康Bikini碎料


01|當Model第一次 走勻全台灣影婚照(2005年)

13年前的Ali剛投身Model界(當年𡃁模呢個term仲未出現!),還未做有線主持,第一次同記者出Trip,人生第一次的婚紗相就要走勻全台灣影。當年的妝髮造形今日睇起上來當然娘味十足,不過當年唔興過份的Photoshop、唔興假眼睫毛和大眼仔,Ali個樣同今時今日差唔多,證明靚樣真材實料

李佳芯

影靚相彈性要高,見到條公路都可影一餐,Ali一樣配合到。


李佳芯

當年仲興嘅Sammi式幼眉、無大眼仔、無粗黑眼線,天然無添加都已夠靚!


攀山涉水擺甫士

影過婚紗相的人就知,靚相一般要在兩日內瘋狂影晒;Ali在拍攝期間要著住婚紗攀山涉水、公路狂奔:爬上台南的七股鹽山、在青青農場拍攝薰衣草和野花遍地的場景,忍受38度高溫及長期暴曬的拆磨。

李佳芯

七股鹽山的鹽堅硬易傷手,Ali著住婚紗爬上去影相都唔易。
李佳芯

以為影靚婚紗相好Glam?Ali踩住泥都一樣交足戲。


當年的記者憶述,拍攝當日台北天氣驟晴驟雨,拍攝團隊只好躲在車內,待雨停時Ali立刻跑出車影,影不到兩三張又下雨了,又要躲起來。如是者,跟天公玩足一整天躲貓貓。Ali都以專業態度面對,第一次出Trip,其實好難得!

李佳芯

拍攝時38度的高溫、又時晴時雨,Ali坐埋一邊整理妝髮都無黑面。


李佳芯

呢張相Ali應該都唔想睇番!


翻閱2005年的陳年舊雜誌,當年記者好鍾意寫詩,而影相的攝影師亦好鍾意Model頭戴一大朵花(利申那位是台灣婚攝公司的攝影師)。

李佳芯

去到墾丁海邊叫Ali同臨記「老公」耍親熱,絕無托手踭!


02|天寒地凍 沖繩追櫻(2007年1月)

為了向廣大的讀者報導日本的櫻花情報,記者往往要帶同Model 提早出發。去完台南的1年半後,Ali跟記者2007年1月出發到沖繩,在短短5日拍攝時間內要影櫻花、又要影海邊Resort。當年的記者指,那時候Ali已經是模特兒界的女神,但過程雖然辛苦捱凍,一樣好影無架子有交帶。

李佳芯

1月出發沖繩影櫻花,其實當時花期未到,只得間唔中有一、兩棵開了櫻花的樹,Ali獨個兒爬入山谷花叢扮曬全部花花世界,上山落水無怨言,工作態度一流。


春寒扮初夏 背心短裙頂硬上

1月的沖繩還是冬天,只有10度的低溫,但為了畫面好看,拍攝時全程要穿上春裝,背心短裙,女神一樣拍心口頂硬上,抵讚!

李佳芯

繼續是招牌燦爛笑容,邊個會估到Ali今時今日會做到咁多唔同性格嘅角色!
李佳芯

在櫻花祭中童真的一面,背後其實凍到震!


白滑背脊第一露!

要知道旅遊記者去一個Trip唔只返一隻稿,當年1月已經要去影Resort,你估下呢間無人曬太陽嘅Resort,當時有幾咁凍?就係咁,Ali首次露出了白滑背脊畀廣大讀者。

咪睇女神個靚背脊就以為影Resort 好爽,鏡頭背後不知幾凍!
李佳芯

只可惜Ali的泳衣照唔多,而且張張都好Wide,旅遊雜誌嘛,睇景舒服重要過睇人啦,唔通張張相叫Model舉高手又踢腳咩?


Follow Ali to…

去到海邊resort,蔚藍海岸耍脾氣,時晴時雨,大風,陰陰涼,女神毫不扭擰,要著bikini落水永不say no。最正係去到海邊,攝影師為滿足親近女神欲望,情不自禁,影了一大堆拖住著得性感嘅Ali女神隻手踏浪嘅相,咦,拖手相,咪仲早過instagram手拖手遊世界的 #FollowMeTo情侶Murad Osmann,同埋日本時興嘅男友視角相囉!

李佳芯

放開個女仔!攝影師的拖女神相,係咪要畀嬲先?!
李佳芯

睇真啲當年雜誌個版面,Ali張相只係出咗手心咁大咋,仲細過同頁的豬頭!


03|無P圖!早過男神勇闖南極(07年11-12月)

翻查資料,當時的Ali未做主持,但當時在model界她都多見報,算搶手貨。原來女神仲早過洪永城兩年去南極拍攝(編按:洪永城在NowTV年代曾以幕後身份,與黃貫中前往南極拍攝《一個地球》),係咪威先!

李佳芯

好多人問張相係咪key,當年的美術部主管確認,只得左邊放大嘅企鵝有做手腳,輯相真係去咗南極登岸影㗎!
李佳芯

有相為證,真係有企鵝㗎南極!


辛苦捱到去極地

咪以為去極地就好爽皮,其實要坐足兩日半的飛機,由香港飛荷蘭落阿根廷,幾乎環遊全球,然後再捱30個鐘的船程⋯⋯聽到都想準備嘔吐袋。坐郵輪入南極,大浪到有如坐足兩日海盜船,而且南極天氣變幻莫測,能否如期登岸也需聽天由命。所以,女神每日就像飛虎隊般,隨時候命。

李佳芯

隨時候命!女神日日整裝待發出發影相都無怨言。


李佳芯

話說前往南極大風大浪,每日都嘔幾次;郵輪廁所的骰,女神高䠷身型都要屈就下。


李佳芯

當年去南極的郵輪不是豪華郵輪,得上下格床,Ali都要影一餐!


自備企鵝拍Selfie

去南極當然想睇企鵝,但為保護牠們,規矩講明必須跟企鵝保持最少五米距離,以免影響企鵝的生活。唔知係咪女神太靚(定手上的企鵝公仔?),對人類已沒有戒心的企鵝們也會自動走近,又或乖乖站在附近任影唔嬲。

李佳芯

如果當年有IG, 女神呢張相應該爆晒Like。


李佳芯

要坐雪地等企鵝埋位影相,Ali投入又無怨言!


李佳芯

影咗幾日,突然放晴,一聲令下再影,Ali保持專業即瞓落雪上。


李佳芯

據知登岸時Ali忘記帶銀包,南極之行的紀念品大概只有postcard。


陰公!出場少過企鵝

揭返當年本雜誌,今次南極之旅Ali出場位主要在封面,文中幾乎只有冰山大相同企鵝相,當同船嘅大陸客都有full page赤祼照一大張,Ali只獲得細碎行行企企食飯典床版面,好在呢輯相出土了,否則政府圖書館都睇唔返!

李佳芯

Opening只得半身退地人。


04|終極一脫 三點式玩斐濟(09年)

雖然Ali沒有好似一般𡃁模出寫真集,平日出席大台活動都鮮有走性感路線,不過09年時女神其實不介意健康性感,和記者去斐濟時,就大曬Bikini +長腿。

李佳芯

睇住靚景浸浴,當然夠晒歎。


李佳芯

望住包毛巾的女神,唔准心邪呀!
李佳芯

話說私人別墅的泳池足有270度的海景,靚人靚景!


李佳芯

極罕之長腿!


又到揭雜誌時間,斐濟出名陽光海灘,配上Ali同樣燦爛的笑容,你估下呢張拋花球青春少艾相出咗幾大版?

青春無敵的Ali,比現在多了份清澀感。


李佳芯

大家搵唔搵到Ali喺邊呢?佢輸咗畀搽泥鬼妹!!!


李佳芯

不過睇返斐濟的稿,其實Ali出場已經多過之前去南極㗎喇!


05|跟水哥達人遊澳洲(09年7月)

2009年的Ali已經成為有線主持,主持《體育王》,被網友追捧為「體育女王」,知名度已大大提升;難得就到檔期跟雜誌去遊斐濟,同一個Trip順便Part埋飲食達人紀曉華(Walter Kei),去埋澳洲塔斯曼尼亞歎世界食好西。

李佳芯

Ali 跟住紀曉華飲飲食食,仲學到不少下廚心得。


李佳芯

回到Ali未紅時,成個Trip都做水哥下把,一齊搞笑。
李佳芯

美食稿當然要影食嘢相!


據當時去採訪的旅遊記者憶述,說採訪塔斯曼尼亞東岸蠔場時,位處南半球的塔斯曼尼亞正入冬,到訪之時白天只有8-10℃,天寒地凍,Ali 和紀曉華都要著上「賣漁勝」裝束落水。咁嘅情況下正常人都會嗌凍,但當時人氣已不俗的Ali毫無怨言,震住都快手開工。

李佳芯

落水得幾度,女神笑容依然燦爛,襟撈!
李佳芯

咁大盤生蠔勁抵食!


李佳芯

見到可愛的Tasmania Devil,Ali都忍唔住露出可愛樣。
李佳芯

對住細路,攝影師要捉Ali自然神情話咁易。


李佳芯

入得廚房的Ali今次做了紀曉華的小助手。
李佳芯

Cooking class上Ali堅有幫手,唔係扮嘢影相等導演喊Cut㗎!


 06|意大利慢食、揸靚車之行(08年5月)

今次意大利之旅,Ali跟著記者採訪拍攝Alfa Romeo的四天古董車托斯卡納豪華自駕遊,當年都索價2千歐羅!不過坐在經典的Alfa Romeo Spider 1600老爺車,駛過一片片鮮黃油菜花田,穿梭於一字排開的柏樹之間,享受頭髮被風吹起的感覺⋯⋯好屈機呀!

李佳芯

意大利鄉郊靚景處處,有老爺車加俊男美女,輕易構成靚相。
李佳芯

呢個封面位加上香車和美人,絕配呀!


李佳芯

坐在經典中的經典Alfa Romeo Spider 1600老爺車之中,在意大利最美麗的托斯卡納(Tuscany)山地飛馳,途中仲遇上羊群,羨慕死人!
李佳芯

成隊Alfa Romeo老爺車車隊,就如皇帝出巡一樣,陣容強大,連當地人都覺得好奇。


意大利的五漁村(Cinque Terre)近年成為亞洲人的熱門之選,女神當年去到,除了學習地中海人悠閒步伐,在漁村影靚相,仲有機會大嚼當地海鮮同松露。

李佳芯

要知道旅遊記者出Trip無化妝隨團,咁近影大頭相,睇得出Ali幾乎零瑕疵!
李佳芯

出Trip成日面對住成櫃甜點、朱古力,難得女神都係Keep得咁好。



李佳芯

都靈大教堂前的Ali好搶眼。
李佳芯

意大利五漁村的繽紛小屋,加埋女神食雪糕,靚!五漁村勁多靚景位,影足幾粒鐘Ali都保持專業!

Cap by:東方新地














鍾意就快D Share啦!