掃呢頁CODE去手機

2018年9月18日 星期二

秦嵐:【貼地皇后】秦嵐米蘭濕平專掃特價貨 __,秦嵐,

真.女神!內地女星秦嵐憑古裝劇《延禧攻略》「富察皇后」一角爆紅,而佢近日就去咗米蘭出席時裝周,就畀網友野生捕獲喺商場行街。相中見仙氣白紗裙嘅佢心情大靚 ...


真.女神!


內地女星秦嵐憑古裝劇《延禧攻略》「富察皇后」一角爆紅,而佢近日就去咗米蘭出席時裝周,就畀網友野生捕獲喺商場行街。相中見仙氣白紗裙嘅佢心情大靚,就算發現網友鏡頭後亦全程任影唔嬲,專攻銀包、手機殼、鞋等特價平貨,簡直貼地到爆!網友見狀都大讚秦嵐好靚,仲一啲明星架子都冇,勁Nice!

而秦嵐搭咗成16個鐘頭飛機去米蘭亦難敵時差,佢喺微博分別發文:「米蘭活體降落」、「凌晨四點…真好…時差來了,起的真早…真好」。

另外,內地古裝劇《如懿傳》日前公開幕後花絮,花絮中見到劇組當初甄選角色時,好多女演員都有爭相前往試鏡,就算係丫鬟嘅角色亦爭崩頭。而秦嵐都有份參加過試鏡,佢出現喺試鏡照片中嘅角落位置,有傳佢去試鏡丫鬟一角,但最後落選,後嚟成功出演《延禧攻略》「富察皇后」一角,事業再次攀上高峰。其實唔止佢,《延禧攻略》嘅「明玉」姜梓新、「魏瓔珞」吳謹言與「爾晴」蘇青亦有參加過《如懿傳》角色甄選,但最終都不幸落選。

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!