2019年4月15日 星期一

劉香萍:劉香萍捧愛女拍戲 幾粒錯字痛失百萬 __,劉香萍,貝安琪,

劉香萍開戲捧愛女,映期苦等4年,更因幾粒錯字痛失百萬。香港資深演員兼製片家劉香萍,為捧愛女貝安琪出錢又出力,開戲讓她做女主角,可惜等足四年,貝安琪做埋 ...


劉香萍開戲捧愛女,映期苦等4年,更因幾粒錯字痛失百萬。


香港資深演員兼製片家劉香萍,為捧愛女貝安琪出錢又出力,開戲讓她做女主角,可惜等足四年,貝安琪做埋人母,電影仍未上映,波折重重,其中原因更是因為一個錯字而損失過百萬,難怪她苦笑說:「真係一字千金。」

為了裁培貝安琪(Ankie)打入內地市場,劉香萍四年前自資開拍電影《一顆心中的許願樹》,由Ankie擔任女一外,還與媽咪一齊做編劇,但此戲講足四年,近日終於上映有期,劉香萍說:「我嘅口號『願望成真,永不太遲』,只要唔好放棄!」但否認為女開戲:「今次搵Ankie唔係因為佢係我個女,佢本身係好出色嘅演員,喺歐洲好有知名度。」

重重批核 配音花成年

劉香萍透露電影拍攝不是太長時間,只是需時經不同地方搞批文:「首先部戲係英文版,搵香港部門申請上映就話要用廣東話,咁惟有去配音,搞咗一段時間;之後到申請內地播,又用咗半年經過好多批核,點知再出現同一個問題,內地用普通話,又用咗半年時間去配音,三年就咁過去!

追求完美 碌盡人情卡

其實這四年間,劉香萍指年半前本來有個檔期可在內地上映,可惜又遇問題:「突然發現字幕有幾個簡體寫錯咗,變得好大件事,要重新再整過,但當時已經做咗6,000幾個Copy,仲印晒宣傳照,企牌、廣告等全部收番晒,蝕咗100萬人民幣!」

除了因批文花了不少時間,劉香萍為追求完美,在後期製作上花了不少工夫,動用最強班底,她說:「強勁嘅幕後班底可以做到好優質嘅電影,今次投資咗5,000萬港元,但都超支咗。(係咪碌盡人情卡?)真係好感謝我嘅朋友,好似米雪、李香琴等,李香琴仲唔收我片酬,畀利是都唔要,只揀咗一份禮物。而男主角同做Ankie爸爸角色嘅都係喺德國攞過影帝。」她坦言對今次電影信心十足,透露故事講大學生迷失方向,回香港尋根。




來源 source: http://hk.on.cc
鍾意就快D Share啦!
Related Posts Plugin for WordPress, Blogger...