2019年4月15日 星期一

吳彥祖:吳彥祖金像獎尋親 原來仲搵番「前女友」 __,吳彥祖,金像獎,

我相信老婆LisaS.唔會介意佢哋見面嘅!尋晚係新一屆香港電影金像獎頒獎禮,當中就有久未香港露面嘅男神吳彥祖驚喜現身,仲搵嚟1999年電影《特警新人類 ...


我相信老婆Lisa S.唔會介意佢哋見面嘅!


尋晚係新一屆香港電影金像獎頒獎禮,當中就有久未香港露面嘅男神吳彥祖驚喜現身,仲搵嚟1999年電影《特警新人類》嘅拍檔謝霆鋒、馮德倫和李璨琛擔任「最佳視覺效果」頒獎嘉賓,搞到大家啲回憶返晒嚟!

啱啱好今年就係《特》20周年,咁有情懷,四位男神都喺後台嚟個愛的大合照,吳彥祖喺社交網晒相,留言話唔相信咁就廿年,又問大家想唔想睇多套新嘅《特》,講到好似眾男會拍多套「續集」咁,搞到啲Fans鬼咁雀躍。不過原來佢今次嘅「金像獎尋親之旅」仲未完,佢仲搵番「前女友」方麗娟呀~~邊個係方麗娟?咪就係佢喺2002年電影《新紮師妹》入面嘅對手楊千嬅囉!當時二人組情侶檔大受歡迎,更傳過二人戲假情真撻着埋,不過隔咗咁多年,兩個都做晒人父母,吳彥祖仲好好口大讚千嬅Keep得好,又話此行令佢好掛住喺香港咁多年嚟識落嘅好友,希望好快可以再返嚟喎!

而「前女友」千嬅都有晒相,仲最話好想大家再合作添:「開心驚喜是遇見了「舊情人」歐海文。相識於微時,超過20年了🌟雖然他大部分時間都在美國,但他一直努力及堅持自己的演藝事業,甚至當上製作人,他的作品 #intothebadlands 很精彩,看到整個劇組團隊的用心和艱辛的拍攝過程,值得大家支持 希望及期待他回來多拍香港電影,we miss you 希望有機會再合作!」




來源 source: http://hk.on.cc
鍾意就快D Share啦!
Related Posts Plugin for WordPress, Blogger...