羅家英上周四為ViuTV《友枱VIP》擔任嘉賓，講到TVB不尊重老一輩藝人，除曾經令到阿姐汪明荃不開心一度想離開外（新聞連結： https://bit.ly/2Wqc1AI ），更指現年87歲的劉兆銘（Ming Sir）也曾不受尊重。家英哥節目中說：「一年一騷呢個問題，我聽劉兆銘講嘅。原來Ming Sir要同TVB簽約，簽完約一出個門口，嗌佢返轉頭話：『劉生，你已經超過60歲，呢份約我哋要取消，要簽過另一份約。』而另一份合約，列明一年一騷個騷，咁劉兆銘同佢講話唔簽，要走喇。後來佢喺澳門同我拍緊一套戲，佢拍晒枱好嬲。其實佢已經準備拍唔知《茶是故鄉濃》定《酒是故鄉醇》，同公司做好晒溝通工作諗住去拍啦，都搞到唔拍唔做喇！」
《蘋果》記者昨日致電Ming Sir，說到拍枱事件時，Ming Sir笑說：「係呀，好耐世紀喇。我係第一個藝人簽一個騷，個道理好好嘅，你簽一個騷好自由，你可以做又可以唔做。佢又唔使養你，你又冇酬勞得到嚟保障你嘅生活，公司鍾意畀你做，唔鍾意就唔畀你做。都10幾、20年前，我係第一個，佢話大家自由，咁我話你畀多啲嘢我係你自由，畀少啲嘢我做又係你自由喎，咁我得到時間嘅自由，唔使迫住日日夜夜做，聽起上嚟好為啲藝人喎，又可以休息啦，做吓自己嘢又得。我早期又冇經驗話好唔好㗎。」
家英哥說到當時Ming Sir本來已簽約，但因為臨時改簽一年一騷，所以Ming Sir拒絕簽約。Ming Sir說：「嗰時好多嘢我唔記得，我記得就話，佢既然咁對我，覺得唔重要，如果重要梗係要我簽多啲，我又冇哀求佢，我又唔係佢培養出嚟嘅藝人嘛，開始係我喺訓練班教演員嗰個角色之嘛。」
說到Ming Sir跟家英哥在澳門開工時提起「一騷事件」時嬲到拍枱，Ming Sir說：「咁梗係會啦，搵食咁艱難，又話咁又話咁，話畀自由，原來係咁樣『自由』。所謂自由，係僱主冇乜責任去理啲工人咁樣，唔係藝人，你係搬運嘅或者做雜工。我冇反對佢，但覺得佢咁做，係我自己懶醒，以為自己係藝人，都應該受到保護，或者係一個有啲價值嘅人，原來百份之一百係工人嚟，一個勞工。我亦冇去要求啲乜嘢，係咁一年年過，連合同都冇睇，有時佢又唔記得咗我，好似唔喺度咁。佢唔在乎我，我覺得一份嘅失落，或者冇歸屬，嗰時我開始覺得冇歸屬感，佢覺得要你又得，唔要你又得，一個咁樣嘅角色，咁我唔怪得佢，佢老細鍾意點就點啦。人哋話影視係一種藝術，家吓都唔係搞藝術，係一種生意，我哋係一種物品嚟啫。」
Ming Sir說現時自己仍是無綫藝人，但記者指網上有指Ming Sir今年1月約滿無綫後沒有再續約，Ming Sir說：「呢啲消息我都唔知，咁公司年年都可以咁樣，嗱，譬如噚日滿約，我啱啱唔知去咗邊度地方，我話『返嚟先簽啦』，咁佢就隔咗一個星期或者一個月囉，佢又唔使畀錢，我又唔使畀錢佢，聽日到期喇喎，下晝你嚟簽啦，或者過幾日嚟簽啦，唔在乎我，唔在乎我存唔存在㗎，你鍾意幾時簽就幾時簽啦，唔使負我任何責任㗎，畀好大自由我㗎。如果有間公司咁樣請人，你話幾好呢。唔去得第度做嘢，係屬於佢嘅，如果喺第度做嘢就唔得，佢又唔使畀嘢你做，又唔使畀錢你，佢大晒㗎嘛。我覺得TVB對我嚟講，我開台到家吓仲有啲感情，呢個係自己儍之嘛，賣都賣咗盤啦，都人面全非啦，以為自己有啲感情咩，係有呀，個感情就係點解人哋咁冇感情！」
那麼，是否仍是無綫藝人？Ming Sir說：「咁咪等緊佢簽囉，簽咪有約，唔簽咪冇約囉。咁家吓斷咗，即係10年你唔連住就冇咗個金牌㗎啦，公司唔識我吖嘛，公司見到有個number係我之嘛，唔係一個藝人，唔係劉兆銘吖嘛，係觀眾先當我係演員，公司當我係一個number嚟，呢個number如果唔連續簽，嗰個10年（金牌）就冇咗。即係我哋去公立醫院睇醫生，你過咗一個鐘頭，咁就要再隔半年。」
問Ming Sir是否會再簽無綫？他說：「佢唔搵我，我冇得（簽）㗎。佢文化藝術大鱷，你點會了解得到佢？我哋小卒嚟，冇資格講人，因為佢哋係當你冇到，因為太多人等住做嘢。」Ming Sir明白後浪推前浪，並謂：「所以你要喺得意嘅時候要爭取做多啲嘢，如果唔係一過咗，你本來啲功夫仔再擺落去都唔係得意嘅。」
【編輯推介】
【節目受影響要重拍】黎諾懿冇收到黃心穎道歉：冇喇，冇聯絡喇
https://bit.ly/2GWiVr4
【半年冇工開】橫濱流星苦盡甘來 拍香港寫真迷盡細路婆婆粉絲
https://bit.ly/2VPtSnA
【邊個想食】新歌MV點擊超過500萬 洪卓立做「人體盛」回饋歌迷
https://bit.ly/2LnidZf
【係愛呀！】姊妹淘為湯洛雯慶生 朱千雪被貼反白眼相：Speechless
https://bit.ly/2VjVG47
【出軌疑雲未解決】為張丹峰甘願瞞婚3年 洪欣：等他事業好了再公開
https://bit.ly/2H4o9kK
《MCU寶石時軸全記錄》
1套6冊解構Marvel電影宇宙
入場睇Endgame前必讀天書！
https://hk.adai.ly/IFk7iee55V
-----------------------------
【記住63836568】全民爆相爆片！下一個爆料王就係你
https://bit.ly/2Guolu9
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI
|
鍾意就快D Share啦！
|
|
|
