真面目
最抵價 斷腳曉明情侶檔撻 Q Baby 7萬割價做女一
近年唔少藝人都北上搵人仔，皆因國內片商、電視台出手闊綽，閒閒哋接套 30集連續劇都輕易賺過百萬，超吸引。
凡事都有第一次。做慣靚靚 model嘅 Angelababy食慣歎慣，即使拍過多部電影，但電視劇就一直無人問津。據知去年國內名製作人於正（曾製作楊冪大熱《宮》劇）睇中 Baby靚樣，力邀她做其電視劇第一女主角，同時亦請埋「海綿蛋糕」黃曉明一齊演情侶檔！不過事後曉明因腳傷而辭演，但 Baby為打開國內市場，不惜降低身價都照拍，只係開拍前講明要受到公主般的待遇。啱嘅， Baby身嬌肉貴，少忽肉點同海綿蛋糕交代呀？
一向以靚樣做生招牌的 Angelababy，加入娛圈 6年拍過多部電影，直至今年，終於有人賞識，被邀拍內地劇。
狂食 NG
上週一（ 15日）， Angelababy在橫店影視城內，為湖南衞視新劇《雲中歌》趕戲。知情人說：「 Baby第一次拍劇，劇組都有啲擔心，因為導演一早講明，全部都要就曬 Baby，而且要以佢靚樣做大前提，即使有一條頭髮遮咗面，都要畀時間佢整番好再拍咁話！」
飾演女主角雲歌的 Baby，當日下午拍一場遇到心儀對象的戲，單單一個偷望鏡頭，已經 NG 5次，而每次拍畢都面燶燶，似乎並不享受拍攝過程。「 Baby講對白冇問題，因為佢本身講普通話，不過佢經驗少，始終表現得唔夠專業，好多時要導演埋去一教再教，開鏡到𠵱家差不多兩星期，但係進度嚴重落後。」知情人透露。
導演買 Baby怕
當天晚上， Baby飯後返回片場繼續開工，現場所見， Baby玩多過做，雖然表情精靈，卻明顯心不在焉，一時眼仔碌碌四圍望，一時同助手傾偈，即使導演埋去同佢對稿， Baby仍然一臉調皮。
據知 Baby處女劇酬勞相當抵用，皆因她在國內劇集屬新面孔，投資方唔肯畀高價，結果 Baby實收 7萬元「人仔」一集。知情人續說：「即使只係客串過電視劇嘅女星都可以叫好啲嘅價，但 Baby係完全（喺電視劇）未出現過，所以價錢已經去到最盡，結果 Baby經理人公司咪要求 Baby享有特權囉！喺片場大曬，個個都要睇佢面色就曬佢。」
拍足 38集都只係得 266萬，相比過往閒閒哋拍部電影都近百萬落袋辛苦得多。不過據知導演為遷就 Baby檔期，願意只花 1個多月時間拍曬 Baby戲分即刻放 Baby走， Baby算有着數啦！
女一唔穩陣
Angelababy 07年首次接拍彭浩翔電影《破事兒》，其後接拍超過 10部電影，如《矮仔多情》、《全城熱戀熱辣辣》和《最強囍事》等。至 2011年正式參演內地投資的電影《建黨偉業》，表現麻麻。而同年首次夥拍彭於晏，以女一姿態拍《夏日樂悠悠》票房更仆直，直至上年尾上畫的《太極 2英雄崛起》，票房先過億。可見 Baby的號召力唔係幾穩陣！
平過廖碧兒
內地電視台鍾意重金請香港班藝員北上拍劇，酬勞亦因知名度有別，好似林峯、鄭嘉穎已經收緊 50萬一集。而女藝員方面，佘詩曼和蔡少芬亦屬一姐價，平均都有 40萬一集。以知名度計， Angelababy其實都唔弱，可惜演出經驗尚淺，加上在國內電視界人脈稍弱，難怪連廖碧兒都以 8萬一集打低佢啦！
一姐價
中級價
導演鬧爆「峯少又去咗邊？」
同樣喺橫店為國內首套 3D武俠劇《陸小鳳與花滿樓》趕戲的林峯，冇咗千語 BB喺身邊，隨即失魂落魄。休息時間唔係背劇本，而係全日掛住同 BB傾電話、玩微訊，結果每次林峯要埋位時，都要勞煩劇組的香港導演大叫：「峯少又去咗邊呀？」
Hea得嚟 chok
人氣爆曬燈的林峯據知收近 50萬一集拍電視劇，不過態度同收 7萬的 Angelababy有得揮，同樣沒有最 hea，只有更 hea。
拍攝現場有不少國內同胞圍觀湊熱鬧，林峯雖 hea但亦要保持 chok樣。本月 13日下午，飾演陸小鳳的林峯正為一個鏡頭交戲畀眼神，點知導演突然嗌 cut，再衝埋林峯身邊用廣東話講：「峯少，真係對唔住喇，呢度你係要講呢句對白㗎！」當住幾十人俾導演話，林峯當堂傻笑，再同導演講：「 Ok， Ok！」
拍完後，林峯馬上返回片場後面繼續攤屍，疑似同千語 BB玩電話，連助手拎埋飯盒擺到面前都眼尾唔望一眼，睇嚟有情真係飲水都會飽。
以前在香港拍劇都冇人敢對峯少無禮，點知上到內地始終要面對現實。
H7N9冇有怕
正值 H7N9不斷擴散，北上搵人仔嘅藝人都好識保護自己，避得就避。不過萬人迷林峯一於好少理，即使千語 BB早前講咗句雙重含意嘅說話，叫佢「唔好亂食嘢」，峯少依然同劇組一齊食劇組飯，而且片場衞生環境一般，唔少藝人都寧願匿上車食，嬌生慣養的林公子卻坐喺片場大啖食。
|
鍾意就快D Share啦！
|
|
|