受重傷 韌帶撕裂照開工 周秀娜錫身假打

真面目

受重傷　韌帶撕裂照開工　周秀娜錫身假打

自與陳偉成 Avis甩拖後，單身周秀娜實行忘情不停開工。最近正拍卓韻芝執導新戲《爆 3俏嬌娃》，睇個名都知戲中娜姐唔少得性感場面，仲話會一路剝一路打。

雖然娜姐剝衫係好睇，不過套戲始終以打為主，少不免要親身上陣，開工首日娜姐更打到韌帶撕裂，前週五（ 12日）更紮住腳頂硬上。雖然當晚唔使真打，但都要拍足 12粒鐘兼着住高踭鞋企到腳軟。快啲搵番個男人呵番啦！

𡃁模始祖 Chrissie周秀娜近年轉攻電影，除咗星爺嘅《西遊•降魔篇》外，剛剛亦拍完同杜汶澤合演的《爛滾夫鬥爛滾妻》，現忙拍卓韻芝執導新戲《爆 3俏嬌娃》，戲中娜姐更會做性感打女，唔係齋露肉。

為保身形， Chrissie都係以烏龍茶頂肚，唔敢亂食嘢。

上週四（ 18日）《爆 3俏嬌娃》記者會上， Chrissie左腳傷勢仍然未好，要貼住膠布頂硬上。

戲中 Chrissie當然要性感，即使拍訓練戲，依然全身 see through，黑色內底若隱若現。

就算未埋位， Chrissie都冇得休息，仲要跟武指（紅衫）練習動作，而兩位師妹 DaDa盧頌之（下圖右）和 Hidy餘曉彤亦打得似模似樣。

頂硬上

戲中 Chrissie有感情綫，不過唔係同男主角徐天佑，竟然係同小肥（小圖），不過已講明冇咀戲冇床戲喇！

《爆》片以美片《神探俏嬌娃 Charles Angel》作藍本，除咗 Chrissie外，再加兩位師妹餘曉彤和盧頌之孭飛，劇情例牌係三位女警打壞人嘅經典橋段。

前週五（ 12日），《爆》片到粉嶺取景，拍攝 3位女角訓練成武功高強「俏嬌娃」嘅場口。 3位女角都着上超透視長裙，未打都勁有睇頭。據知為拍《爆》片，娜姐已狂操泰拳半年，但於開拍首日娜姐因一場踢腿戲不幸扭傷咗左腳，仲搞到韌帶撕裂，但為免影響進度，娜姐連日來仍忍痛上陣，仲要着住 4吋高踭鞋開工企足 12粒鐘。

事後 Chrissie死頂話：「醫生都叫我唞吓，但我唔想浪費咗半年心血，𠵱家頂到就頂，同埋套戲會做 3D，出嚟會更震撼!」 3D周秀娜喎，唔使打都好睇啦！

韻芝 BB超殘

韻芝 BB自簽約娜姐經理人公司後，首個工作就係做《爆 3俏嬌娃》編劇兼導演。前週五（ 12日）卓韻芝為新西蘭旅遊局拍完特輯後，一落機就趕去現場，素顏嘅佢顯得有啲攰。不過韻芝 BB就話自己會客串一角，仲會以超性感造型登場喎，到時正評多定負評多呢？

當日卓韻芝自拍露少少，高登仔即刻狂正評。

坐完飛機即刻仆過嚟開工，堅素顏嘅韻芝 BB真係殘咗少少。

採訪、撰文：娛樂組

攝影：娛樂突發組

鍾意就快D Share啦！

下一篇 》