全城熱爆的娛樂八封新聞 & 時事趣聞 & 生活 + 趣聞
二人於香港時間星期四晚到達威尼斯機場。偉仔話今次純為支持老婆，唔會同片商傾拍片。
「第 66屆康城影展」於香港時間 16日淩晨開幕，憑入圍康城影展「一種單元」電影《過界》提名影後嘅劉嘉玲，獲曾奪康城影帝嘅老公偉仔同行壯膽。
上週三（ 15日），嘉玲先單拖出席好友何超瓊嘅「天機公關 25周年晚宴」，即晚再同老公到機場，飛法國尼斯再轉車入康城。嘉玲上機前，上載咗一張巴黎浪漫夜景相話：「 Safe Flight!」（坐穩機）」。相中有香檳有酒杯，仲有巴黎鐵塔，似乎嘉玲同偉仔曾經喺巴黎望住鐵塔食燭光晚餐，羨慕死唔少港女！
嘉玲上載咗張舊相去微博，相中似係佢曾經同偉仔撐枱腳嘅環境相。
出發康城前，嘉玲出席天機公關 25周年晚宴，見到 N年前前男友許晉亨嘅前妻、天機老闆何超瓊，嘉玲即攬住對方錫錫，呢啲咪巨星態度囉。
