熱爆娛樂: 窮途出路　𦧲關楚耀搭路　四失聰買醉𢱑撈 I.T

2013年5月22日星期三

窮途出路　𦧲關楚耀搭路　四失聰買醉𢱑撈 I.T

17/5缺德吐口水

嘔完一大輪，一落車，陳山聰仲放飛劍吐口水，以往嘅上等人品味完全唔見曬！定係一直都冇？

真面目

窮途出路　𦧲關楚耀搭路　四失聰買醉𢱑撈 I.T

隨着賭王何鴻燊千金何超雲宣布 single，並將陳山聰降呢為「好朋友」，「雲山戀」 2年情正式玩完。

曾經自由出入陽明山莊，「四失」之後，陳山聰迫住搬回九龍灣居屋麗晶花園。前路未明，他又得罪添哥李添勝自斷無綫米路，唯一揸手，是與前度合作的時裝品牌。

為求在時裝界打滾搵食，四失聰只好向現實低頭，厚住面皮死𦧲關楚耀博 friend。上週五（ 17日）終於成功與 I.T高層會面，據知四失聰在飯局中狂 hard sell，整晚陪酒又轉場唱 K娛賓，回家中途仲在的士上醉到嘔，認真折墮呀！

今年 4月，「雲山戀」戀情告急，有傳陳想投資時裝生意，可惜與超雲發生金錢糾紛，令超雲發表「 Love=Money」，避走倫敦。為挽救戀情，陳山聰追到英國求箍煲，本刊更拍得他們在英國的「最後晚餐」。雖然，陳山聰曾陪超雲再遊葡萄牙，但奈何超雲仍決定分手，跟陳山聰做「好朋友」，陳山聰只好接受四失（失戀、失財、失事業、失形象）現實，豪門夢碎。

當晚陳山聰戴住嘅白色膠表，就係佢嘅自家品牌，難得同枱成班潮人，陳山聰當然戴出嚟 sell吓。

負責搭路嘅關楚耀，出名有義氣，當晚刻意同陳山聰前後腳走，好明顯唔想同對方扯上關係。

10萬卡地亞變膠表

當日英國箍煲失敗回港，陳山聰仲戴住十幾萬嘅 Cartier情侶手表，如今要 sell膠表，唔知佢戴唔戴得慣呢？

搭路散貨

陳山聰到倫敦的箍煲行動失敗，獨自返抵香港，並開始四出𢱑撈。知情人士說︰「陳山聰話唔想再拍劇喎，其實之前佢同超雲喺大陸開廠，自己設計咗批衫，仲有幾款手表，不過𠵱家分開咗，佢就好頭痕，一嚟唔想嘥咗批衫，話曬佢係掛名自己設計，二嚟梗係想賣咗批貨賺錢救急先啦！」

據知，陳山聰回港後不斷致電相約一些時裝達人，更向沈嘉偉的時裝王國 I.T埋手，又死𦧲只見過一次面的關楚耀搭路，上週五終於搞咗個 I.T飯局。

當晚 7時左右，陳山聰單拖到銅鑼灣的明星飯堂「心燒食堂」，之後關楚耀、 I.T一名高層，和金龍醒獅團的潮人薑偉池逐一到達，一行 7人的潮人團坐在 VIP房，一傾就傾到 12時多才離開，之後再轉場跑馬地 Alabar。

超雲於 09年開設嘅時裝店「 Chew Closet」，除賣二手衣服外，仲會到外國入貨，去年更在大陸開廠，放手俾陳山聰設計男裝；分手之後，唔知批貨會點處置呢？圖片

超雲心情靚

在微博宣布分手之後，超雲心情似乎唔錯，上週六相約好友晚飯，本週一又再和女友人 high-tea。

5月初，本英國直擊兩人「最後晚餐」，兩人同屋竟然冇乜交流。

唱〈早班火車〉娛賓

已經飲到 high high地的陳山聰，去到酒吧門口仍死拉住關楚耀，關無奈再陪他繼續飲。據知當晚他們坐在大廳，陳山聰一有機會就向 I.T高層猛 sell，「佢除咗想喺 I.T度賣自己批男裝外，仲力 sell自己當晚戴住嘅白色膠表，話係自己設計喎！全晚不停咁 sell，好鬼主動！」。直至淩晨 1時多，大醉的陳山聰歌癮大發，拉着關楚耀唱 Beyond的〈早班火車〉，酒吧內其他的客人才知道歌手出身的陳山聰在場。

杯杯清的陳山聰，突然離開酒吧跳上的士，直返九龍灣，開車不久，的士停在路邊，原來陳山聰要開車門嘔。到達麗晶花園，陳山聰仍然腳步浮浮，要坐在公園定一定神兼搵門匙，非常狼狽。記者致電關楚耀經理人 Sian，她表示︰「其實真係唔熟，見過一兩次，只知道佢係阿池（薑偉池）嘅朋友，其他唔講咁多喇。」