網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年5月22日 星期三

巨星幫 《食平 D》擦鞋上位  6號搵阿澤幫拖霸地盤




陸浩明喺有線做了 10年主持,訪問過唔少大明星,如今過檔 TVB亦碌盡人情咭,搵咗蔡卓妍、陳慧琳等人撐,聽落幾吸引。

真面目

巨星幫 《食平 D》擦鞋上位  6號搵阿澤幫拖霸地盤

去年得前有線高層、現為無綫非戲劇製作總監餘詠珊帶挈下,一班轉了會的有線主持愈做愈掂,頭炮有黃翠如、洪永城,做完旅遊節目即刻撈過界密密拍劇,最近孖肥媽主持飲食節目《食平 D》的陸浩明( 6號)亦開始發圍。

除了《食》外,陸浩明還有在 J2台主持節目,下月再加收費台播出的新節目《 Room 6》,一人踩勻 3個台,密集搶地盤。

餘詠珊( Sandy)接管無綫綜藝科後,連帶有線「餘黨」亦跑得比人快,做了 10年主持的 6號最近於《食平 D》節目中,雖然被評專搞爛 gag及成日擦肥媽鞋,但收視理想亦令餘詠珊對佢信心大增。

梁詠琪

Gigi老公係食素,所以 book咗個 studio Kitchen及素食大廚教 Gigi整素宴。

蔡卓妍

阿 Sa鍾意食甜品,我哋去咗個整甜品的地方畀阿 Sa整甜品。

陳慧琳

《蘋果日報》圖片

Kelly畀人印象係好高貴,我哋特登訂咗個酒店總統套房同 Kelly high tea。

J2有份

6號除了《食平 D》及 J2台與梁烈唯主持的潮流節目,嚟緊仲有一個飲食節目及《 Room 6》在收費台播出,咦,咁咪 3個台都插曬旗。

阿旦攝入

無綫搵阿旦返《勁歌金曲》做節目,可惜救唔到收視之餘,亦令阿旦「金牌主持」個朵失威,《星夢傳奇》再搵阿旦做主持,擺明畀佢攞番個彩。

阿澤影樓玩嘢

去年《最佳男主角》播出一致好評,帶挈黎芷珊成大紅人,今年添食《最佳女主角》,已搵來葉德嫻、舒淇、鄭秀文等,個個分量十足。

據知餘詠珊已安排了不少節目畀愛將 6號,知情者說:「今年 TVB個《星夢傳奇》(藝員版《巨聲》)原先 22號(星期三)個綜藝組曬冷記招,開頭諗住公布埋《星夢》主持,但臨時唔講得住,因為 Sandy(餘詠珊)想畀 6號做嘅,但後來監製麥鎮東想搵番阿旦(鄭旦瑞)主持,所以𠵱家未落實㗎!另外 6號個《 Room 6》亦安排咗喺收費台播,一來唔使同黎芷珊個《最佳女主角》正面比較,二嚟等佢多啲機會曝光,人氣夠,捧佢做大騷都易啲啦!」

上週五( 17日)本刊致電 6號,佢話:「我好欣賞黎芷珊做主持㗎,我哋兩個節目性質唔同,我請嚟有歌手、演員,各方面嘅藝人上嚟訪問,其中一個環節佢哋會騷吓料,好似阿澤(杜汶澤)咁,佢玩開攝影,我哋就 book咗個影樓,同佢一邊訪問一邊睇佢發揮,所以個節目多元化啲!」即係話芷珊姐姐單調呀?

鬧爆擦鞋「多謝高登意見」

6號同肥媽主持的《食平 D》大收旺場,肥媽教煮食即吸到班師奶 fans,播咗 3星期,上週平均仍收 19點。但 6號在節目中的表現就惹來網民 unlike,話佢只識擦肥媽鞋,週一( 20日)本刊致電 6號,佢話:「我都有睇高登,我好多謝佢哋意見,都會注意及改善吓。」

《食平 D》贏得收視,但 6號遭高登仔負評,可能大家都係鍾意佢主持娛樂節目多啲。



鍾意就快D Share啦!