全城熱爆的娛樂八封新聞 & 時事趣聞 & 生活 + 趣聞
笑得燦爛 平日玉女出席活動時，笑得好含蓄。但當日嘅佢竟露齒而笑，似乎被四眼男𠱁得好開心。
「玉女掌門人」周慧敏都算威，當年同倪震話移民就移民，返嚟復出一樣冇難度；殺入紅館開騷同樣座無虛席。早排玉女仲進軍埋美國東岸同加拿大開處女騷，返嚟小休叉叉電，七月再去美國西岸唱尾場。日前小休期間，媽咪姐喺 ifc發現玉女同一位靚仔斯文四眼男去名店置裝。出名慳妹嘅佢，罕有地出入名店，似乎為演唱會不惜工本喎！
不過媽咪姐最想講嘅係，玉女有斯文男子傍實，竟然笑得比平時更燦爛。有開屏習慣嘅倪生係咪要反省吓呢！
點解隔籬嗰個唔係我，你都笑得咁開心嘅？（設計對白）
雞啄唔斷 玉女跟四眼斯文男一邊 shopping一邊密密傾，傾到出門口都未完。
繼續 shopping 兩人之後上咗連卡佛，繼續佢哋嘅開心 shopping之旅。
