全城熱爆的娛樂八封新聞 & 時事趣聞 & 生活 + 趣聞
陳法蓉排隊時不時左望右望，似乎好怕被人認到。咁梗係啦，假假哋都係個靚女，要孤伶伶買外賣喎……
上期《忽周》咪講過陸詩韻跟錯老細嘅，佢過氣情敵陳法蓉都唔好得去邊。近日陳法蓉應邀為深圳衞視《男左女右》任節目嘉賓，佢否認「女人 35歲就是齊天大剩， 45歲就是剩鬥士」，仲強調自己過得好好！
不過早排媽咪姐去快餐店食炸雞，除咗發現陳法蓉同媽咪姐一樣唔怕禽流感之外，仲見呢位前港姐冠軍孤伶伶買咗份單人外賣套餐。當日佢素顏零打扮，望落去已經 dry dry哋，仲要食埋啲咁 dry嘅食物，真係 dry上加 dry。一代靚女變剩女，唉，令人心酸。
買完單人套餐，陳法蓉一個人揸車返屋企開飯。媽咪姐經驗，綁得住男人個胃，自然綁得住男人個心，強烈建議陳法蓉學煮番兩味。
你估我想咁 dry㗎咩？（設計對白）
