劉嘉玲 心口見紅
媽咪姐
女人，身痕！
曾幾何時，女人要三從四德，相夫教子。但今時今日，女權當道，女人隨時玩得比男人更癲更放。但玩還玩，真係唔好留低痕跡，好似以下幾位女星名人，玩到疤痕盡現，又真係幾礙眼。
劉嘉玲上周四（ 9日）以揭幕嘉賓身份現身澳門話題騷「 TABOO色惑」活動，喺芸芸女星中可以打頭陣，嘉玲嘅地位當然毋庸置疑。不過着住低胸戰衣，心口正中位置離奇出現紅點，仲有疑似被抓傷嘅痕跡，認真大煞風景。
Jessica C 紅酒燴人膝
靠警鐘胸搵食嘅 Jessica C，上周四、五連續兩日出席活動提高曝光率。 JC上半身無敵，但下半身就唔多得，除咗雙腳粗壯外，膝頭仲紅到發紫，有警鐘胸都無補於事啦！
榮文蔚 爛腳復活
何超瓊主理嘅公關公司舉辦慈善相展，於上周六（ 11日）開騷，超瓊老死榮文蔚當然俾面撐場。早前捲入男模訛騙案而唔敢喺公開場合蒲頭嘅榮文蔚，當日一出現隨即成焦點，事關佢對樹根腳布滿紅瘀斑點，前後睇都一樣咁立體。
趙式芝 異性接觸
趙式芝自爆與另一半 Sean搞同志婚禮，勇敢行為確令人佩服。可能佢嘅同性戀形象深入民心得滯，上周四（ 9日）佢出席活動時，主動挑逗肌男，就略嫌重口味咗。係就係怪啲，不過唔好玩到身痕轉性就得喇！
|
鍾意就快D Share啦！
|
|
|