熱爆娛樂: Isabella撐師母唔認師傅　詹瑞文因小三斷六親

2013年5月17日星期五

Isabella撐師母唔認師傅　詹瑞文因小三斷六親

鬼祟拍拖

約晚上七時，詹瑞文與 Amanda雙雙落樓，行去附近停車場攞車。記者發現詹全程表現鬼祟，除夜媽媽戴住黑超外，更唔敢與 Amanda傾偈。

娛聞樂

Isabella撐師母唔認師傅　詹瑞文因小三斷六親

梁洛施（ Isabella）日前秘密返港，隨即相約好友黃秋生、詹瑞文前妻甄詠蓓等人飯敍。相反跟過學戲劇的師傅詹瑞文卻冇影。詹瑞文自去年搭上有夫之婦職員 Amanda而拋妻棄女後，性情大轉變。他為阻止有人爆新歡在公司橫行，不惜與兩位愛徒蝦頭和泰臣決裂。梁洛施不齒師傅所為，今次回港拒見面。

斷盡六親的詹瑞文，上周日（ 5日） 48歲生日前夕，被拍得與新歡 Amanda撐枱腳。

要綁住男人心，難過登天。一直人前恩愛的詹瑞文與甄詠蓓，一同齊心打江山，合力將舞台劇藝術事業搞得有聲有色。去年 7月，詹瑞文搭上公司的有夫之婦職員 Amanda，詹為新歡推翻了過去對甄詠蓓的承諾，搞到離婚收場，廿二年的婚姻毀於一旦。

上周日（ 5日），正值詹瑞文 48歲生日前夕，本刊更拍得詹瑞文當晚與 Amanda到九龍城一間泰國菜館撐枱腳。二人嘆完晚餐後，便雙雙返回男方位於畢架山帝景峰的寓所。記者等候多時也未見 Amanda離開，證實兩人同居上址。

吩咐買飯盒

上周日（ 5日），詹瑞文與 Amanda宣傳完棟篤笑後，便到灣仔某商業大廈開會。上樓前，詹先吩咐 Amanda到茶餐廳買飯盒，自己一條友去開會先，非常大男人。

上車避忌

之後詹瑞文揸黑色 Benz載住 Amanda，由灣仔出發到九龍城相熟泰國菜館。二人撐完枱腳後，便於餐廳前等代客泊車人員把車揸回來。記者發現二人由等車到上車期間鮮有交談，相當避忌。

同居帝景峰

最後詹瑞文與 Amanda齊齊返回詹以 8萬月租的畢架山帝景峰寓所，據知二人同居於此已約半年。

斬斷師徒情

男人變心，性情亦隨之改變。詹瑞文被年約 40歲，樣貌普通的 Amanda迷住，就連師徒關係也視如無物。知情人士說：「其實詹 Sir同 Amanda嘅曖昧關係，兩年前喺公司都通曬天，當時詹 Sir唔少徒弟都有勸過佢。不過大家只要講句關於 Amanda嘅嘢，詹 Sir就即刻發火，叫任何人唔可以再討論 Amanda。好多徒弟勸過詹 Sir回頭是岸，但佢都一意孤行。」跟隨師傅詹瑞文多年的蝦頭和泰臣，即使與詹旗下公司「 PIP文化產業」還剩兩年的合約，但最終也要提前終止合作。

詹瑞文狠心斬斷師徒情，連遠在多倫多的梁洛施都收到風。知情人士說：「 Isabella（梁之洋名） 06年跟詹 Sir學戲劇嗰段時間， Oliver（甄詠蓓之洋名）當正 Isabella係親細妹一樣，知道佢喺香港冇人冇物，成日煲湯水俾佢飲。即使 Isabella家陣飛上枝頭，佢哋都 keep住有視像通話。 Isabella生完第一胎之後，都有向 Oliver請教湊仔經。所以發生咗咁大單嘢之後， Isabella一定會撐師母，認為師傅今次真係過分咗。」

以往 Isabella由多倫多返港期間，必定相約師傅詹瑞文飯敍，但今次她卻情願約好友到澳門散心也要拒見師傅，態度明顯比之前冷淡。上周日（ 5日），詹瑞文宣傳棟篤笑時，更唔覺意漏口風，對 Isabella返港一事並不知情，他說：「佢（ Isabella）返咗嚟香港咩？我唔知道喎，佢冇搵過我。」

11年糖黐豆

11年， Isabella秘密返港，拉大隊到西貢開餐。當時詹瑞文和 Isabella坐埋一齊，全程有傾有講，師徒關係深厚。

今年唔見人

5月 3日， Isabella到張敬軒的古董別墅開餐，與師母甄詠蓓（右一）、黃秋生及張敬軒親密合照，師傅詹瑞文卻不見蹤影。

新歡做經理人

詹瑞文為了新歡 Amanda不惜令師徒關係決裂，據知他為免 Amanda醋意大發，更索性減少與前妻和 10歲大的女兒碰面。知情人士說：「其實詹 Sir同 Oliver為咗個女都再見亦是朋友，無論個女學業選科又或者揀課外活動等問題，佢哋都會約埋出嚟一齊傾，費事影響個女成長。不過自從 Amanda水鬼升城隍坐正之後，詹 Sir就開始少咗同個女聯絡。」

現時 Amanda更由公司的行政人員，升級為詹瑞文的經理人，全天候服侍詹，而全間公司更只剩下詹瑞文、 Amanda和兩位資歷較淺的員工運作，可想而知 Amanda的地位舉足輕重。據知 Amanda與結婚多年的圈外老公，近日亦着手搞離婚手續，待搞清身份後， Amanda就可名正言順做詹的背後女人。

上周日（ 5日），詹瑞文與盧海鵬為宣傳棟篤笑到尖沙嘴派傳單， Amanda亦從旁𥄫實（圈）。雖然詹瑞文形象比前差，但售票情況不俗，現已賣出八成。

原是基督教徒的詹瑞文，為了 Amanda連信仰都轉埋。位於九龍灣的辦公室內，除擺了三個神像（左圖）外，於門外更放了一個神位，神像前並放有陰司紙，非常古怪。

《蘋果日報》圖片

圖片

甄：同詹有共識

Amanda的出現，令詹瑞文走上離婚之路，有指甄詠蓓因此而患上抑鬱病，需要睇心理醫生，不過近日她已重新振作起來。畢業於香港演藝學院的她，去年自立門戶開學校教小朋友戲劇，向人證明單親媽媽也可以活得比你好。本刊多次致電甄詠蓓，但於截稿前未獲回覆。而甄的發言人就說：「 Oliver唔會回應㗎喇，不過佢依家生活得好開心，希望大家都係咁。（ Isabella拒認詹瑞文做師傅喎？）大家諗多咗喇，不過 Oliver同 Isabella當晚談天說地好開心。」甄詠蓓曾在訪問中說：「我同詹瑞文一早有共識，縱然婚姻關係不再，都唔會喺女兒面前顯露負面情緒。」看來 Amanda怎上位，甄詠蓓為了愛女，對前夫詹瑞文已無怨無恨。