全城熱爆的娛樂八封新聞 & 時事趣聞 & 生活 + 趣聞
阿 Bell除咗身形有啲發福（下圖）外，睇真啲，個樣同 03年拍《妙手仁心 3》（小圖）時差唔多，冇乜走樣。
無綫前藝員劉曉彤（ Bell）自 04年同從事鞋業嘅嚴姓商人結婚後，努力造人，犀利到五年抱三。家庭生活咁美滿，阿 Bell梗係淡出幕前，專心湊仔女啦！
媽咪姐早前喺天後撞見阿 Bell接女放學，着住水靴，左手拎長遮，右手幫個女拎書包。雖然阿 Bell冇做主持好耐，只係間唔中出吓一啲活動，但依然好眼利，一個轉身，已睄到鏡頭，即刻「嗖」一聲上車鬆人。
早前阿 Bell出席童裝店開張，佢話依家「仔大女大」，個個開曬學，所以有時間出席活動。
