Edison𥄫中《夜蒲 3》 36F林雲

Edison出手，點會死錯人？睇佢最初只係張開手同林雲合照，後尾就撩人擺心心 pose，真係好有心喎！

媽咪姐

Edison𥄫中《夜蒲 3》 36F林雲

《喜愛夜蒲 3》 36F林雲早前由馬來西亞來香港拍攝時，碌柚胸搶曬鏡，技術性擊倒同場嘅 33B雨僑、 35D許亦妮，連 34C嘅寸嘴 Barbie都比唔上！林雲成功搶灘不特止，媽咪姐仲八到， Edison（陳冠希）原來都中佢。話說佢哋喺今年八月嘅活動上認識， Edison見佢身材超正，就算女朋友喺度，都對林雲好細心，佢哋影貼紙相嗰陣，仲擺埋「心心」手勢， sweet到爆！

林雲依家簽咗俾漢洋，早前媽咪姐撞到佢同公司嘅人去食飯，梗係問吓佢同 Edison嘅關係啦，林雲就話：「 Edison份人好細心好體貼，對我好好。（影相時擺「心心」手勢？）佢擺先㗎，我係女仔點會做主動。（有無聯絡？）我之前唔見咗電話，依家嚟香港發展，可能會搵吓佢。」放心喎， Edison出名「好客之道」，係女都咁啱……傾㗎！

有索女，咪走雞！

（設計對白）

拍遊艇 Party戲時，林雲雙峰大如碌柚，但腰幼幼，仲有臍環，狂野索女格！

《夜蒲 3》以多女為賣點，女主角係雨僑、伍詠薇同許亦妮，但講到胸戰呢？馬拉嚟嘅林雲真係贏曬！

坦白講，最初見林雲同經理人漢洋（左一）並排咁行都唔多認得佢，但一側身……突出到呢！

那些年的漢洋呀！

大家係咪覺得林雲經理人漢洋好面善吓呢？查實漢洋係 89年參加新秀得亞軍入行，之後去台灣發展， 2000年回歸香港樂壇， 01年仲同小雪合唱〈其實我介意〉，係唱 K必選之歌嚟㗎！佢幾年前開娛樂公司轉做經理人，近日開 model公司，除林雲外，金剛女友陳蕊蕊（柑桔）都係佢旗下嘅藝人。

當年漢洋同小雪嗰首〈其實我介意〉唱到街知巷聞，喺《勁歌》攞獎㗎！

同金剛熱戀嘅「味之天使」柑桔都喺漢洋旗下，身材一樣 good！

鍾意就快D Share啦！

下一篇 》