全城熱爆的娛樂八封新聞 & 時事趣聞 & 生活 + 趣聞
等司機接嘅超盈，無化妝就識得搵副超遮，好心着錯咗阿婆款肉色 brabra就嗱嗱臨披番條巾遮一遮啦！
媽咪姐向來好重視儀容，就算落樓下 7仔買雪糕，都會執番正個 look先敢出門口。
之不過原來唔少人又唔係咁諗噃，好似何家淑女超盈咁，雖然去中環食個 tea，係無需要 set行頭化行妝，不過見佢企喺酒店門口呢個 hea look，真係扣曬分！你話「十八無醜婦」，基本上着咩都唔會差得去邊，真係咁嚴重咩？嗱，媽咪姐都係有嗰句講嗰句啫，兼且有圖有真相。你睇超盈嗰日明明背心熱褲好青春，但露出咗個勁老套嘅肉色阿婆款 brabra，仲要係若無其事嗰吓勁，媽咪姐都要寫個「服」字咯！
話曬都係名人後代，就算超盈眼中只有朋友仔，但路邊賣報紙嘅都一眼認得出你，唔該着好少少先出門口啦！
超盈 24歲生日，搞咗個以公主作主題嘅生日扒地。戴住後冠嘅佢，同戴皇冠嘅密友、林建嶽女兒林愛兒（左）合照，公主王子打扮真係襯到絕。
