全城熱爆的娛樂八封新聞 & 時事趣聞 & 生活 + 趣聞
早排有報道話彭羚鍾意食素，暗示因為呢個原因搞到 9歲細女林清即使同 Eason女康堤同齡，都矮一大截咁話。但 FBI覺得細路仔未發育，身高真係話唔埋。
好似最近 FBI喺中環撞到林狗同老婆，仲有 2個女一家四口行街街。呢日林狗表現輕鬆，同大女繑住手行似足拍拖， FBI仲發現 13歲嘅林泳已經差唔多有 5呎 4吋高（約 1米 64），着平底鞋高過媽咪不特止，身高仲直迫爹哋。所以唔好睇小只得 9歲嘅細女呀，大個分分鐘高過林氏夫婦㗎！
過馬路期間，林泳仲好乖咁同媽咪一齊拖住細妹林清，一家四口勁溫馨。
上年林氏一家四口被影到旅遊完返港，當時林泳仲係矮得得，但今年極速標高，睇落差唔多有 5呎 5吋，直迫 5呎 7吋的林狗。 《忽然 1周》圖片
