田蕊妮真摑宋熙年
■田蕊妮笑言摑到宋熙年「塊面大過我」。電視圖片
網民發動熄電視行動，但無綫和亞視仍落力舉行宣傳活動。昨日《巨輪》演員在電視城宣傳，同場公佈「我至like」角色三甲是田蕊妮、蕭正楠和陳展鵬。阿田劇中大巴摑宋熙年被指勁過「14巴港女」，她笑說：「宋熙年叫我真係打落去，劇情講我打好多巴，我真係會打到佢塊面大過我，好彩佢長頭髮，我咪打佢頭髮囉，點知我推低佢，佢又多口話對手鬱得可以還手，我咪夾住佢對手。」其老公杜汶澤雖在日本，但也看到網上反應，她說：「佢好賤格留言『你平時知我點生活啦！』佢唔好返嚟，我真係夾佢對手呀！」
蕭正楠在劇中辜負阿田而遭網友揚言要火燒「羅信記」，阮兆祥大講爛gag：「燒來燒去咪又係蕭正楠。」亞視昨也在大埔總台宣傳外購劇《詠春傳奇》，助理副總裁冼偉智說：「出年先開《天蠶變》有徐少強兩父子助陣，再有個處境劇，演員會加人手，所謂有走必有來。」
採訪、攝影：黃曉妍、楊潔雯
■《巨輪》進入結局篇，陳展鵬認為熄電視日對劇集多少有影響。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！
|
鍾意就快D Share啦！
|
|
|