2個月減去 12磅，鄭融仲成功有番條 23吋「辣椒腰」。
真面目
成個瘦曬： 2個月減 12磅 鄭融：終於有番條腰
今個月 29歲的鄭融（ Stephanie），今年亦是出道第 10年， 12月終於舉行首個個人演唱會。
出道時曾以 23吋「辣椒腰」見稱的鄭融，前排因唱片公司人事變動，導致壓力暴脹，身高 5呎 2吋，最高峰達 110磅。 2個月前，唱片公司拍板為她籌備演唱會，更動用百多萬買下她的舊歌版權，鄭融才鬆一口氣。決心重現「辣椒腰」爭番啖氣，除了一星期跑足 4日、打拳和每朝半小時遊水外，更有專業營養師度身設計瘦身餐單， 2個月成功搣走 12磅肥肉。
03年出道，鄭融好不容易在 06年才遇上〈紅綠燈〉，成功升呢，不過又因轉會問題，由東亞轉到星娛樂，始終未能及時開騷。
阿徐教路
之後幾年，唱片公司不停的人事變動，令鄭融非常擔心自己的星途，精神壓力之下，搞到身形愈來愈腫脹。她說︰「當時唔開心㗎，自己好大壓力，搞到個人好腫，但其實又唔係瘋狂咁食，最重嗰陣有 110磅，𠵱家回復 90幾磅。但講真，我從來都冇食藥減肥，亦唔贊成，心境真係好重要，阿徐（徐濠縈）教我唔好磅重，因為就算外形瘦咗，體重都未必會少咗，反而令自己更大壓力。」今年，唱片公司 Neway新官上任，第一個 project就替鄭融出碟和開 10週年騷，難怪鄭融都不敢怠慢。
據知 Neway老闆薛濟傑，為鄭融的演唱會，動用了過百萬買回所有舊歌版權，當中包括〈終身學習〉、〈紅綠燈〉等，令鄭融感到重視。
27腰變 23
為了 12月的個唱，一向有做運動的鄭融， 2個月前開始加操，一星期跑步 4日，分別跑 6公里和跑 10公里； 2日打拳訓練，和早上半小時的遊水操練，配合由營養師度身設計的瘦身餐單， 2個月內除了搣走 12磅脂肪，條腰亦由最肥時 27吋變回 23吋，終於變回昔日的小辣椒。
上週三（ 9日），本刊到排舞室探班，穿上 tube top運動裝的鄭融明顯瘦了一個碼，她笑說︰「終於有番條腰！」辛苦喪操，但鄭融一聽到開騷，就咩都覺得值得，她說︰「開心啲，新陳代謝都會快啲，𠵱家覺得自己樂觀同開心咗！其實一向都覺得做運動唔辛苦，而且演唱會真係要開始練氣，我有好多快歌㗎！」咁辛苦練番條「辣椒腰」，使唔使同肥苟分享吓心得呀？
女鐵人
2個月成功搣走 12磅，唔係個個都做得到，一方面靠營養師的餐單，另一方面配合密集式訓練，包括跑步、打拳和遊水訓練，加上瑜伽的柔韌課堂，鄭融幾經辛苦之下先得今日 fit爆身形，再練落去，分分鐘做埋女版張家輝。
爆夜跑黨行蹤
鄭融約半年前開始練跑步，每星期 4日跑步訓練，更與圈中一班好友成立「夜跑黨」，包括徐濠縈、連詩雅、商台 Donald和細 So等。當中跑步的路線次次不同，包括由寶雲徑跑去淺水灣、寶雲道健身徑等，夜跑友隨時撞到明星㗎！
|
鍾意就快D Share啦！
|
|
|