詭屋實錄：吊飯上樓怪行 劉以達啪藥毒困村屋

日吊

上週六（ 12日）達嫂冼美珍好似釣魚一樣將飯盒吊上單位，連落樓都慳番。

真面目

詭屋實錄：吊飯上樓怪行　劉以達啪藥毒困村屋

一向行為另類的劉以達近日突然玩失蹤，連工作上的代理人 Anita日前都發表聲明，稱由上月 28日起就聯絡唔到劉以達， Anita嬲到震，決定斷絕合作關係。

據知劉以達最近行為愈來愈古怪，十足電車毒男上身唔願見人，本刊週日更發現他和太太在大埔林村屋企叫外賣時，竟然用麻繩吊住鐵籃，將飯盒「外賣」吊上樓，連落兩層樓梯都懶，認真騎呢！

茶餐廳外賣妹表示：「達哥一向都係咁樣吊飯盒，街坊都知㗎啦，佢成日喺屋企，好少見佢落嚟。」

雖然達明一派近年重組又開騷，但劉以達習慣靠代理人接工作。上週四（ 10日）他的代理人 Anita突然發聲明，指連續十幾日聯絡不上達哥，有幾項工作因而受到影響，故要尋求法律意見。

記唔到台詞

劉以達突然玩失蹤，本刊連續 2日（ 12、 13日）到他於大埔林村的寓所視察，發現達嫂冼美珍閒賦在家，其間打電話叫外賣後，達哥竟然連落兩層樓都懶，達嫂先走出露台，將錢放入鐵籃再吊落地下給送外賣妹，而外賣妹亦好熟手地拿起錢後放上飯盒，達嫂即慢慢拉繩吊飯盒上樓，交易過程駕輕就熟。

其實劉以達毒男上身唔鍾意出街好多圈中人都知，有知情人士更指達哥啪藥上癮：「佢不嬲有焦慮症同鬱躁症，有食開藥嘅，但呢幾年不斷加藥，愈攞愈多，好似上咗癮咁，影響曬佢神志。」知情人士續說：「早排佢上《獎門人》，工作人員畀咗幾句台詞佢唸，佢都記唔到，叫佢照住讀都讀唔到；仲有佢客串側田個 MV，全程呆吓呆吓唔知做乜。」

夜吊

晚上達嫂再叫外賣，同樣用籃吊飯盒，生活習慣認真詭異。

唔好騷擾我哋呀！（真實對白）

翌日仍見達嫂走出露台打電話，但劉以達一直在屋內未有現身。週一（ 14日）記者按門鈴冇人應，達嫂卻走出露台大叫：「可唔可以唔好騷擾我哋呀？」便走回入屋。

26/9最後露面

劉以達最近一次公開活動，是上月 26日到惠州出席華語音樂傳媒大獎，同行有黃耀明、盧凱彤和恭碩良等，可是兩日後劉以達便玩失蹤。

復合大騷

去年達明一派在紅館及博覽館開騷大賣，但自此達哥便深居簡出，好少見人。

失蹤 10幾日

而信奉基督教的劉以達，本刊曾報道過他熱捧「靈恩教派」，及經常做見證，但知情人士稱他自從上年達明一派在紅館開騷後已甚少返教會：「佢情願留喺屋企，除非冇錢開飯啦，咪返去做吓見證收吓錢囉；同埋叫啲教友夾錢出過幾隻福音碟幫補吓囉。」

對於劉以達失蹤兼自閉，劉以達前代理人 Anita回應：「同達哥合作咗兩年幾，佢一向都唔多鍾意出街嘅，佢唔食嘢，只食煙同飲可樂，全行都知㗎喇！聯絡唔到佢都唔係第一次，以前試過係連續 5日，佢解釋話自己瞓咗喎，今次就十幾日囉！」她又說上月 26日陪同達哥上惠州出席頒獎禮前，正有幾件工作洽談中：「有套微電影、國內 band騷、仲有佢新唱片嘅宣傳 project，喺惠州同佢開會傾咗，佢願意接，仲傾咗合作方案添，但返香港之後就聯絡唔到，好多人受影響嘛，我惟有尋求律師意見囉。」有 job都懶接，又難怪人哋咁嬲啫！

觀眾對劉以達說話口窒窒好受落，但係 8月上《獎門人》時連對白都講唔到，據知達哥口窒可能是受情緒病藥物影響，達哥都控制唔到。

劉以達最近參與側田〈爽〉 MV拍攝扮蝙蝠俠（右）好有型，與盧海鵬一段 making of卻顯得呆呆滯滯。

膠水唔洗

達哥喜歡玩模型同 figure係人都知，但知情者指他玩到成手黐曬膠水都唔理：「黐到連結他都彈唔到㗎，試過因為咁俾 band友話咗幾句，嘈嘈吓仲出手添。」

有傳劉以達冇錢使便到教會做見證袋人工，及遊說教友籌錢給他出福音碟賺錢。

幫襯出事藥房

去年劉以達被影到在旺角宇宙大藥房，買了一大袋成藥，而該藥房紀錄唔太良好，兩年前曾因未經適當監督而售賣毒藥，被罰款及取消 7天授權賣毒藥資格，達哥真係要小心啲。

Ta姐人脈勁

與劉以達鬧翻的 Anita，行內人稱 Ta姐，是跨媒體代理人，為人熟知是在商台節目《十人巷》做導師；主要為藝人接洽工作，除了早年擔任李惠敏經理人外，曾合作過的還有 Beyond、謝安琪、官恩娜、林一峰、林二汶、葉世榮、台灣歌手光良等，最近鍾一憲獲被安排加入韓國組合及接受訓練，都是由 Ta姐引薦，個個正常過劉以達。

Ta姐陪同達哥上惠州攞獎在車上合照，可惜事後已失去聯絡。

鍾一憲離開大名娛樂後，得到 Ta姐協助有機會到韓國接受訓練。

鍾意就快D Share啦！

下一篇 》