網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年10月17日 星期四

改電話避城城 熊黛林生日新歡曝光




甩拖後首個生日,阿 Lynn心情風騷出席新歡為她搞的生日 party。

探熱針

改電話避城城 熊黛林生日新歡曝光

過去七年生日,熊黛林都有天王郭富城陪慶祝,今年牛一雖然甩拖,但絕不愁寂寞,據知有新歡為她豪花七萬包場慶祝,風騷阿 Lynn更除去尾指「分戒」,再改埋電話號碼,無非要徹底同城城斷絕來往,準備迎接新戀情。

其他影片
包場慶祝

上星期四(十月十日)是熊黛林( Lynn)三十三歲牛一,由於是她回復單身後的首個生日,所以身邊朋友都為她準備了多場生日會,以免她回憶起過去七年攻城慶生的片段觸景傷情。

生日前一晚(十月九日),阿 Lynn經過悉心打扮,由助手及朋友陪同下去到跑馬地鮨森日本料理。當晚該餐廳被人包場,連同阿 Lynn在內,總共有六女四男,大夥人玩了約四小時,直至過了淩晨十二點,同阿 Lynn唱埋生日歌及切蛋糕後,才陸續離開。

問到有冇私下祝阿 Lynn生日快樂,城城話:「過咗去,唔想講,喺度衷心祝佢生日快樂。」

阿 Lynn的新歡年約四十多歲,為了氹阿 Lynn開心,包場幫她慶祝生日。

同阿 Lynn互不認識的陳展鵬,當晚都有被邀請出席生日派對。

新歡愛跑車

據知,當晚是阿 Lynn其中一位追求者幫她安排的生日 party,豪花了近七萬元包場,但為了保密新歡,阿 Lynn用調虎離山方法,自己走先引開記者,再搵餐廳職員到門外睇環境,確定冇記者,才安排新歡和幾位朋友離開。

當晚留守到最後的嘉賓,居然有陳展鵬,見到有記者影相,顯得一臉尷尬,而負責埋單的老細,更對鏡頭左閃右避。據了解,阿 Lynn的新歡年約四十多歲,同城城一樣愛玩車,平時以 Porsche 911代步,家底有番咁上下。

在活動上阿 Lynn與侯維德有攬腰錫面。

阿 Lynn打扮性感兼跳艷舞,出席前度的好友沈嘉偉旗下時裝店活動。

當問到有關新歡問題,阿 Lynn即被工作人員推走。

之前七年阿 Lynn次次都以攻城方式過生日。

除低分戒

有機會展開新戀情,之前阿 Lynn在失戀期間,戴在尾指的「分戒」已經除低,她曾表示過,只要搵到真正幸福,就會除去「分戒」,現在見她兩手空空,證明她已作好準備迎接新戀情,加上阿 Lynn近日連電話號碼都改埋,似乎想一切重新開始,同舊愛城城徹底斬纜。

不過,當問到阿 Lynn除去「分戒」是否有新男友時,她相當愕然;「吓!我跌咗咋,跌咗好耐喇(生日係咪同新男友過?)唔係呀,我同阿 Kim(經理人)過。」工作人員見阿 Lynn唔想再答,即連忙推她入𨋢離開。

今年三月宣布分手,阿 Lynn即在尾指戴上「分戒」,宣布單身。

因為怕阿 Lynn寂寞,經理人阿 Kim與公司同事,都專登幫阿 Lynn搞了個生日會。



鍾意就快D Share啦!